Top 5 Alternative Smartphones Of Realme U1 And Unboxing Video

Realme U1 aaj India mein launch ho chuka hai aur jaisa ki hum aapko bata hi chuke hain ki iski khaasiyat hai MediaTek Helio P70 chipset. Is smartphone ka design lagbhag Realme 2 Pro ke design jaisa hi hai, lekin yahaan par 25 MP ka AI selfie camera bhi aapko milta hai.

Real U1 ke two storage options yahaan diye gaye hain jinmein 3GB+32GB aur 4GB+64GB variants shaamil hain. Lekin 6GB RAM model ken aa aane se fans thode niraash nazar aaye hain. Halaanki is smartphone ka base version 11,999 INR aur 14,499 INR mein available hai aur is price range mein bahut si leading companies India mein handset launch kar chuki hai, jinse Realme U1 compete karne wala hai.

Well, agar aapko Realme U1 kisi kaaran se pasand nahi hai ya aap kisi other brand ke fans hain, to neeche diye gaye is smartphone ke alternative options ko consider kar sakte hain.

Realme 2 Pro

Realme 2 Pro aur Realme U1 ke design mein koi khaas fark nahin hai. Saath hi Realme 2 Pro mein aapko 6GB+64GB aur 8GB+128GB varints bhi milte hain, jabki Realme U1 mein ye storage options nahin hain. Iske alawa is handset mein full HD+ display, Snapdragon 660 chipset, 16+2 MP dual rear cameras and 16 MP front camera aur 3500mAh ki battery milti hai. Is smartphone ki starting price bhi 13,990 INR hai.

Moto One Power

Motorola ka ye Android One smartphone – One Power bhi, Realme U1 ka ek achha competitor hai. Ismein aapko 6.2 inch ki FHD+ display, Snapdragon 636 chipset, 4GB RAM aur 64GB ROM mil jaati hai, Saath hi is handset mein 16+5 MP dual rear cameras aur 12 MP front camera diya gaya hai.

Iske alawa Motorola OnePower mein 5000mAh ki battery, aapko fast charging support ke saath mil jaati hai. Yahaan par rear mounted fingerprint scanner, dual SIM support, P2i water-repellent nano coating jaise features bhi diye gaye hain. Is smartphone ki cost 15,999 INR hai.

Zenfone Max Pro M1

April 2018 mein launch hua ye smartphone bhi, Realme U1 ka behtar rival handset hai. Zenfone Max Pro M1 mein bhi FHD+ display, Snapdragon 636 processor, 13+ 5 MP dual rear cameras aur 8 MP front camera jaise features hain. Wahin iske higher version, jo ki 14,999 INR mein available hai, mein 16+5 MP rear cameras aur 16 MP front camera diye gaye hain.

Is handset mein bhi dual SIM support aur 5000mAh ki battery, fast charging support ke saath milti hai. Zenfone Max Pro M1 ki starting price kewal 10,999 INR hai.

Honor 8X

Honor 8X bhi is price range mein milne wala ek achha smartphone hai, jo ki 6.5 inch ki full HD+ display, 20+2 MP dual rear snappers, 16 MP front camera aur Kirin 710 12nm chipset ke saath launch kiya gaya hai.

Is smartphone mein 3750mAh ki battery, fingerprint sensor, Android 8.1 Oreo OS aur dual SIM connectivity di gayi hai. Iska 4GB+64GB version 14,999 INR mein available hai.

Honor 9N

Honor 8X ke baad, is list mein Honor 9N ka naam aata hai, jo ki Realme U1 ko achhi takkar de sakta hai. Is smartphone mein 5.84 inch ki display, Kirin 659 processor, 13+2 MP rear cameras, 16 MP front camera aur 3000mAh ki battery hai. Saath hi ismein Party mode, ,ride mode, dual SIM support aur rear mounted fingerprint jaise features bhi moujood hain.

Honor 9N mein bhi two versions available hain – 3GB+32GB aur 4GB+64GB. Inke price 11,999 INR aur 13,999 INR hain, jinhein aap Flipkart se kharid sakte hain.

Redmi Note 6 Pro

Xiaomi ka Redmi Note 6 Pro, haal hi mein launch kiya gaya hai. Uski kimat bhi 13,999 INR se start hoti hai. Ismein aapko 19:9 aspect ratio ke saath 6.26 inch ki display di gayi hai. Halaanki processor yahaan par wahi hai = Snapdragon 636. Two storage options hain = 4GB+64GB aur 6GB+64GB.

Ismein aapko 20+5 MP ke dual rear cameras aur 20+2 MP ke dual front cameras milte hain. Saath hi Qualcomm Quick Charge 3.0 fast charging ke saath 4000mAh ki battery bhi moujood hai.

Realme U1 ke price range mein aap is smartphone ko bhi consider kar sakte hain.

Zenfone Max Pro M2 (upcoming)

ASUS ka upcoming smartphone Zenfone Max Pro M2 bhi isi price range mein expect kiya jaa raha hai. Is smartphone ko 11th December ko Indonesia mein launch kiya jayega, aur iska India launch bhi December mein hi expect kiya jaa raha hai.

Leaked images aur specs se ye pata chala hai ki Zenfone Max Pro M2 mein 6 inch ki full HD+ display, notch ke saathaa sakti hai. Rumors ke according, ismein Snapdragon 660 chipset hoga aur 4GB / 6GB RAM options milenge. Internal storage bhi ismein aapko 128GB tak milne ki ummid hai. Saath hi ye smartphone is price range mein triple rear cameras ke saath aane wala hai.

Ab Realme U1 ke alternatives ke baad aap neeche di gayi video mein is smartphone ka first impression aur unboxing dekh sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: