Top 5 Alternative Smartphones Of Oppo K1

Oppo ka aaj hi launch hua Oppo K1 ek lower mid-range smartphone hai, jiski kimat 16,990 INR hai. Is handset mein jahaan ek taraf aapko AMOLED display, 25 MP front camera aur in-dislay fingerprint sensor mil raha hai. Wahin 17K ke price mein chipset, Snapdragon 660 hai, jo ki isse kaafi kam price mein aapko kaafi smartphones offer karte hain, saath hi fast charging bhi missing hai aur storage option bhi ek hi hai.

Is handset mein aapko jahaan ek taraf kuch trending features milte hain, wahin doosri taraf kuch specs, iske price ke according kam bhi nazar aa rahe hain. Aise mein is price range mein aap aur bhi kuch smartphones consider kar sakte hain, jinmein kuch specs aapko isse behtar lag sakte hain. Aaiye dekhte hain Oppo K1 ke top 5 alternative smartphones ki list, jo detail ke saath hum aapke liye laaye hain.

Realme 2 Pro

Last year launch hua Realme ka Realme 2 Pro, is smartphone ka ek achha competitor hai aur ismein bhi aapko Snapdragon 660 hi milta hai, lekin iski price Oppo K1 ke mukaable kaafi kam hai. Iska 4GB+64GB storage options, Flipkart par 12,990 INR ke price par available hai. Wahin iska high-end version jo ki 8GB+128GB storage ke saath aata hai, ise aap 16,990 INR mein purchase kar sakte hain.

Realme 2 Pro ke features mein full HD+ display, 16+2 MP dual rear cameras, 16 MP ka front camera, rear mounted fingerprint sensor, 3500mAh battery aur dual SIM support shaamil hai.

Zenfone Max Pro M2

December 2018 mein launch hua ASUS ka Zenfone Max Pro M2 bhi ek achha smartphone prove hua hai. Wide notch ke saath full HD+ display, 3D glass like back panel, Snapdragon 660 chipset, 5000mAh battery aur dual 4G VoLTE support ke saath aane waale is smartphone ka price bhi 12,999 INR se start hota hai. Wahin iske 6GB RAM ke saath 64GB storage version ka price 16,999 INR hai. Ab aap chooe kr sakte hain, ki aapko kaun saa smartphone chahiye.

Honor 10 Lite

Last month launch hua Honor 10 Lite bhi ek achha smartphone hai. Ismein bhi aapko dewdrop notch ke saath full HD+ display milti hai. Saath hi Octa Core Kirin 710 12nm processor hai aur GPU Turbo 2.0 bhi moujood hai. Ismein aapko Android 9.0 Pie OS ke saath EMUI 9.0 software milta hai, jo ki latest hai. Saath hi front par AI ke saath 24 MP ka selfie shooter hai, 13+2 MP dual rear cameras, aur 3400mAh ki battery hai. Iske 4GB RAM version ka price 13,999 INR aur 6GB RAM variant ka 17,999 INR cost hai.

Redmi Note 7

Redmi Note 7, Redmi ka upcoming smartphone hai, jo next two weeks mein India mein launch kiya jaa sakta hai. Is smartphone ke officially Twitter par kaafi tease kiya jaa raha hai. Ismein aapko MIUI 10 ke saath Android 9.0 Pie milne waala hai. Ismein bhi 6.3 inch ki full HD+ display, Snapdragon 660 chipset, aur 4000mAh ki battery, fast charging support ke saath moujood hai.

Iske alawa ismein aapko 48 MP ka primary rear shooter aur 5MP ka secondary camera milta hai. Is handset ke bhi three storage options hain, inmein 3GB / 4GB / 6GB RAM options hain. Halaanki India mein kaun se launch hote hain, ye abhi confirm nahin hai. Lekin is handset ka price bhi India mein lagbhag 10,000 INR se start hota hai aur iska higher version Oppo K1 se compete karega.

Samsung Galaxy M20

Samsung ka haal hi mein launch hua affordable smartphone Galaxy M20 bhi Oppo K1 ke alternatives ki list mein shaamil hai. Is smartphone ki display, rear camera aur battery ka performance achha hai. Ismein aapko 5000mAh ki battery, 6.3 inch ki full HD+ TFT display, Exynos 7904 processor, 13+5 MP dual rear cameras aur dual 4G VoLTE support milta hai. Is handset ka 4GB+64GB version Amazon par 12,990 INR ke price tag ke saath available hai.

Vivo V15

Vivo bhi February 20 ko apne new smartphones launch karne waala hai. Inmein V15 Pro aur V15 shaamil hai. Jahaan V15 Pro pop-up selfie camera aur in-display fingerprint scanner ke saath aane waala hai. Wahin iska cheaper version V15 bhi launch hone waala hai, jismein shayad aapko rear mounted fingerprint sensor aur Snapdragon 675 chipset mil sakta hai. Saath hi ye handsets Android 9.0 Pie software ke saath launch kiye jayenge. Jahaan V15 Pro ki price 25K hai, wahin Vivo V15 20K price segment mein launch ho sakta hai aur Oppo K1 ka achha rival bhi prove ho sakta hai.

Facebook Comments

Recommended For You

About the Author: Pooja Choudhary

1 Comment

Leave a Reply

Your email address will not be published.

%d bloggers like this: