Top 5 Alternative Smartphones Of Nokia 7.1

Nokia 7.1 ko India mein aaj 19,999 INR ke price par launch kiya gaya hai. Jahaan is smartphone ki display aur build quality se log khush nazar aa rahe hain, wahin ismein diye gaye Snapdragon 636 ne logon ko niraash kiya hai.

Iske alawa is handset mein 3060mAh ki battery aur 8 MP ka camera bhi aapko isse kam price range mein kaafi handsets mein mil sakta hai. Wahin Nokia ki branding ke jo fans hain, unhein ye smartphone, pasand bhi aaya hai.

Lekin 20K mein kaafi leading brands ke smartphones aapko isse behtar specs de sakte hain. Well, agar aap Nokia ke fan nahin hain aur 20K mein ek behtar handset talaash rahe hain, to neeche diye gaye smartphones dekhna naa bhoolein. Ye hain Nokia 7.1 ke best alternative smartphone options.

Poco F1

Sabse pehle is list mein hum aapka dhyaan le jaana chahenge, Xiaomi ke flagship smartphone, Poco F1 ki taraf. Poco F1 hi kewal ek aisa smartphone hai, jo 20K mein aapko Snapdragon 845 chipset offer karta hai. Saath hi iska jo variant aapko 20,999 INR mein milta hai, usmein 6GB RAM ke saath 64GB storage hai. Iske alawa 4000mAh ki battery, 12+5 MP dual rear cameras aur 20 MP ka front camera bhi hai, jo IR face unlock support ke saath fit kiya gaya hai.

Lekin Poco F1 look wise thoda sa peeche hai aur purely plastic se bana hua hai.

Honor Play

Honor Play bhi aapko 19,999 INR mein hi milta hai aur Nokia 7.1 ka ek achha rival hai. Ye smartphone, metal back ke saath attractive look deta hai aur saath hi 19.5:9 aspect ratio ke saath 6.3 inch ki full HD+ display offer karta hai. Ismein Kirin 970 chipset hai aur ye NPU aur GPU Turbo ke sath launch kiya gaya hai. Company ise gaming ke liye bhi perfect phone bataati hai. Ismein 16+2 MP ke dual rear cameras, 16 MP ka front camera, dual 4G VoLTE aur fast charging ke saath 3750mAh ki battery hai.

Realme 2 Pro

Realme 2 Pro ke 8GB RAM aur 128GB ROM ke saath aane waale high-end version ko bhi aap is price mein consider kar sakte hain.  Iski kimat 17,990 INR hai. Ismein bhi aapko 6.3 inch ki full HD+ display, Corning Gorilla Glass protection ke saath milti hai. Ye handset Snapdragon 660 chipset kar perform karta hai aur ismein Android 8.1 Oreo OS ke sath ColorOS 5.2 milta hai.

Realme 2 Pro ke camera section mein, 16+2 MP dual rear cameras aur 16 MP ka front camera include hain. Ismein aapko 3500mAh ki battery di gayi hai.

Vivo V9 Pro

Vivo V9 Pro bhi 17,990 INR mein ek behtar smartphone hai, a ur Nokia 7.1 ka strong competitor hai. Ye aapko 6.3 inch ki full HD+ display, Snapdragon 660 chipset, 6GB RAM, 64GB internal memory aur dual SIM slot offer karta hai. V9 Pro mein 13+2 MP ke dual rear cameras aur 16 MP ka front camera moujood hai. Ismein aapko 3260mAh ki battery milti hai, jo full day easily chal jaati hai aur 1.5 hours mein full charge ho jaati hai.

Oppo F9

Oppo F9 ki kimat bhi 19,990 INR hai. Ismein 4GB+64GB storage milti hai. Yahaan 6.3 inch ki FHD+ display ke saath MediaTek Helio P60 chipset diya gaya hai. Ismein bhi 16+2 MP dual rear sensors, aur 16 MP ka front camera hai. Yahan aapko 3500mAh ki battery milti hai, dual 4G VoLTE support milta hai aur rear mounted fingerprint sensor bhi moujood hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: