Top 5 Alternative Smartphones Of ASUS Zenfone Max Pro M2

ASUS ne haal hi mein India mein apna naya budget smartphone, Zenfone Max Pro M2 launch kiya hai, jo ki super successful Zenfone Max Pro M1 ka successor bhi hai. Is smartphone mein sabhi trending features aapko mil jaate hain, jaise ki notch display, dual rear cameras, Snapdragon 660 chipset and 5000mAh battery.

Zenfone Max Pro M2 ke 3GB+32GB version ka price 12,999 INR hai, jabki 4GB+64GB variant ki kimat 14,999 INR hai. Lekin is samay India mein bahut se aise smartphones hain, jo Zenfone Max Pro M2 ke strong competitors hain aur ye bhi apni jagah kaafi achhe handsets hain, jinhein aap is price range mein consider kar sakte hain.

Realme U1

Realme U1 ki highlight hai ki ye Octa Core MediaTek Helio P70 chipset ke saath aata hai. Iske 3GB+32GB version ki cost 11,999 INR hai, jabki 4GB+64GB version ko aap 14,499 INR mein kharid sakte hain.

Ismein aapko dewdrop notch ke saath 6.3 inch ki FHD+ display, 25 MP ka selfie camera aur 3500mAh ki battery, 13+2 MP dual rear cameras milte hain. Lekin jahaan iska chipset latest hai, wahin iska rear camera aur battery, Zenfone Max Pro M2 ke mukaable thoda kam hai.

Honor 8X

Honor 8X mein bhi three available hain – 4GB+64GB ki cost 14,999 INR hai, 6GB+64GB variant ka price 16,999 INR hai aur 6GB+128GB version ko 18,999 INR mein purchase kiya jaa sakta hai.

Honor 8X aur Zenfone Max Pro M2 ke 4GB+64GB version ka price same hai. Honor 8X mein bhi aapko 6.5 inch ki full HD+ display, Kirin 710 12nm chipset, dual SIM support aur Android 8.1 Oreo OS jaise features milte hain. Ismein 20+2 MP ka dual rear camera setup aur 16 MP ka frontal sensor moujood hai. Halaanki ismein 3750mAh ki battery hai, lekin fast charging nahin hai.

Redmi Note 6 Pro

Xiaomi Redmi Note 6 Pro ko India mein last month hi launch kiya gaya hai. Ismein aur Redmi Note 5 Pro mein aapko kuch khaas fark nahin milta. Lekin ismein aapko dual front aur dual rear cameras milte hain aur notch display bhi yahaan par di gayi hai. Is smartphone ko bhi aap Zenfone Max Pro M2 ke price mein consider kar sakte hain.

Ismein 6.26 inch ki FHD+ display, Snapdragon 636 processor, 4GB+64GB storage, 12+5 MP dual rear cameras aur 20+2 MP dual front cameras diye gaye hain. Saath hi ismein 4000mAh ki battery Quick Charge 3.0 fast charging support ke saath milti hai.

Realme 2 Pro

Realme 2 Pro kaafi successful raha hai, jise Realme U1 se bhi compare kiya gaya hai. Ye handset Zenfone Max Pro M2 ka bhi ek achha rival smartphone hai. Realme 2 Pro 6.3-inch ki 19.5:9 display ke saath aata hai. Ismein Octa Core Snapdragon 660 processor diya gaya hai aur Color OS 5.0 user interface hai, jo Android 8.1 Oreo OS par based hai.

Ismein 16+2 MP ke dual rear cameras aur 16 MP ka front camera fitted hai. Dual 4G VoLTE support ke saath ismein 3500mAh ki battery di gayi hai.

Nokia 6.1 Plus

Nokia 6.1 Plus bhi is price range mein ek achha option hai, jo aapko glass sandwich design ke saath  ilta hai. Saath hi ismein notch display bhi hai. Lekin yahaan aapko Snapdragon 636 processor milta hai aur 4GB+64GB options ki kimat 15,999 INR hai. Ismein aapko 16+5 MP ke dual rear cameras aur 16 MP ka front camera diya gaya hai. Saath hi Qualcomm Quick Charge 3.0 support ke saath 3060mAh ki battery bhi di gayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: