Top 10 Tech Gift Suggestions For Diwali 2018 in Affordable Price

Bhai hum to Diwali ki taiyaari mein bahut busy hain aur zaahir hain ki aap bhi honge. Halaanki apne ghar ki taiyaari to hum aasaani se kar hi lete hain, Diwali ka sabse mushkil kaam hai, apne family members, friends aur colleagues ke liye gifts chunna.

Diwali par sabse badi mushkil yahi hoti hai, ki kise kaun sa gift dein. Lekin agar aapo hamaari maanein, to tech gifts best aur useful hote hain. Well, yahaan aaj hum chun chun kar aapke liye 10 tech gifts suggestions laayein hain, aapko kaun sa sabse achha laga, comment section mein zaroor bataiye.

Mi Band 3

Xiaomi ka Mi Band 3, last month hi India mein launch hua hai, jiski kimat kewal 1,999 INR hai. Ismein 0.78 inch OLED display hai, saath hi ye waterproof bhi hai. Iske alawa ye fitness tracker running, cycling, walking, jaisi activities ka real time show karta hai. Aapke smartphone ke calls aur notifications bhi bataata hai. Mi Band 3, kisi bhi fitness freak ke liye ek behtar gift option hai.

USB Powered Mug Warmer

Hum sabhi ki families mein koi naa koi chai ka deewana to zaroor hota hai, ye USB powered mug Warmer, usi ke liye hai. Donut Cup Warmer ek aisa tech gift hai, jise kisi power plug ki zaroorat nahin hai, balki USB port mein laga dijiye aur is warmer par apna coffee mug rakhkar, use garm rakhiye. Yaani ki kahin bhi baithkar coffee ya chai peete huye kaam karein aur khud ko active rakhein.

Mi Pocket Speaker 2

Kewal 1,500 INR mein milne wala ye Mi Pocket Speaker 2, music lovers ke liye best gift hai. Ye 5W ka portable speaker, Germany ke popular brand Tymphany ke saath milkar design kiya gaya hai. Ye aluminium ka bana hai, jis par anodized oxide coating ki gayi hai. LED indicators aur 7 hours ki battery life ke saath ye perfect sound offer karta hai.

Belkin Wireless Charger Pad

Agar aapke kisi family member ya friend ke paas, Samsung Galaxy S9, S9+, Note 9, Note 8, S8, S8+, iPhone 8, 8 Plus, iPhone X, S7, S7 Edge, S6, Google Nexus 6/5/4 ya koi bhi aisa smartphone hai jo Qi wireless charging ko support karta hai, to uske liye ye ek achha gift hai. Amazon par iska price bhi kewal 1,980 INR hai.

Doorbell Camera

Ab Diwali ho ya Holi ! ghar ki safety to behad important hai, khaastaur par tab, jab aapke parents ghar par hain, aur aap working hai. Auxtron Digital Doorbell Camera ki kimat kewal 4,999 INR hai aur aap ise Amazon se kharid sakte hain. Ye camera easy to install hai. Ismein 3.5 inch ki TFT display hai, jismein aap apne ghar ke andar hi bahaar door par khade aaye insaan ki shakl dekh sakte hain. Iske camera mein OV industrial high definition colour sensor aur 120 degree lens hai.

Echo Dot smart speaker

Amazon ki Echo series bhi behad kamaal hai, ismein har range ke speakers hain. Ye speakers voice-controlled hain aur inmein songs sunne ke alawa aap weather information, current new affairs, jaisi cheezein bhi jaan sakte hain. Saath hi aap ismein shopping reminders, alarms bhi save kar sakte hain. Isse jyada humein bataane ki zaroorat nahin hai, aap jaante hi hain.

Echo series ka Echo Dot smart speaker kewal 4,499 INR ka hai.

Digital photo frame

Photo frame bhi gift karne ke liye ek achha options hai, jo memories ko hamesha taaza rakhta hai. Epyz HD Ready Digital Photo Frame, fully functional remote ke saath aata hai. Ismein aap images ka slide show laga kar wall par hang kar sakte hain, jo kisi bhi families ki saari yaadon ko samet kar kuch hi palon mein aapke saamne rakh sakta hai. Saath hi ye HD videos bhi support karta hai aur 16GB memory ke saath aata hai.

Iski kimat 9,000 INR hai.

Stok ST-MJB02 Personal Blender for Smoothie Protein Shake Maker

Ye compact size ka blender bhi ek achha Diwali gift hai, jo aasaani se fruits, vegetables ko blend kar sakta hai. Kisi bhi food processor ke comparison mein ye kaafi kam jagah aur power leta hai. Ek glass ke barabar ki jagah mein fit hone waala ye blender aapke kisi bhi trip ka saathi ban sakta hai.

Ye ek portable blender hai, jo 600ml ki bottle ke saath aata hai aur isi mein blend karke, ise lid ke saath aap carry kar sakte hain.

Iski kimat kewal 1,399 INR hai.

Saregama Carvaan Mini

Apne ghar mein parents ko dene ke liye ye best gift hai, ek radio jaisa look aur puraane gaanon ki mithaas se unhein apne guzre samay ki yaad aa hi jayegi. Saregama Carvaan Mini Legends SCM01 Bluetooth Speaker mein 251 pre-loaded songs hain, jo ki Kishore Kumar, Lata Mangeshkar, R.D Burman aur Asha Bhosle jaise singers ke hain. Iski kimat kewal 2,285 INR hai.

Philips Hue 9.5W E27 Bulb

2 years ki warranty ke saath aane waale ye buln 9.5 watt ke hain. Inhein aap Amazon Alexa aur Google voice assistant ke saath operate kar sakte hain. Ye white ambiance bulb, special moments ko aur bhi special banaate hain aur aap inhein lamps mein bhi laga sakte hain. Ye Amazon Echo, Apple Homekit and Google Home ke saath bhi kaam karte hain. Is ek bulb ki kimat 1,750 INR hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: