Theaters Mein Lagi Manikarnika Mein Jhansi Ki Rani Ki Kitni Jhalak Dikhati Hai

Manikarnika movie aaj cinema gharon mein release kar di gayi hai. Jaisa ki trailer aur movie ke title se pata chal hi jaata hai ki yeh movie Jhansi ki rani Laxmibai ke jeewan par aadharit hai. Movie mein Manikarnika ke poore jeewan ko dikhaya gaya hai. Yeh movie unke janam se le kar mrityu tak ke safar ko dikhati hai. Saath hi desh ke prati unke devotion ko bhi show karti hai.

Movie ke lead role mein aapko dikhayi dete hai Kangana Ranaut (Manikarnika), Ankita Lokhande (Jhalakri Bai), Danny Denzogpa (Gulam Mohuammad), Atul Kulkarni (Tatya Tope), Suresh Oberoi (Peshwa Baji Rao II), Jishu Sen Gupta (Maharaj Gangadhar Rav). Movie ko direct kiya hai Krish aur Kangana Ranuat ne aur likha hai Prasun joshi ne.

Ab hum aate hain movie ki story par. Movie ki shuruaat Amitabh Bachchan ke voice over se hoti hai. Jahan Manikarnika ka janam hota hai aur issi ke saath elaan kiya jaata hai ki manu apne kaam ke liye itihaas (History) mein apna naam darz karwaegi. Isi ke sath manu bhadti huyi dikhayi jaati hai, jahan wah tatya tope ke saath ghudsawari karti aur talwar baazi karti dikhai jaati hai. Unke iss sahas aur tez ko dekh kar rajguru unke liye Jhansi ke raja Gangadhar Rao ka rishta le kar aate hain. Jise Peshwa accept karte hain, aur Manikarnika ki shadi raja Gangadharv Rao se ho jaati hai.

Shadi ke baad Manikarnika ka naam badal kar Laxmibai rakha jaata hai. Ab rani Laxmibai Jhansi aati hain jahan unka jeewan khushaal chal raha hota hai. Samay beetne ke saath hi pata chalta hai ki rani pregnant hain. Mahal mein sabhi khush hote hain lekin issi beech raja ka saamna angrezon se hota hai aur yudh ke dauraan wah maare jaate hain. Rani iss dukh ko jhelte huye kuch samay baad ek putra ko janam deti hai jiska naam rakha jaata hai Damodar Das Rao. Lekin mahal mein pehle se hi angrezon ka jaasus Sadashiv (Mohammad Jeeshan Ayub) rani ke putra ko maarne mein safal ho jaata hai. Jisse rani kuch samay ke liye poori tarah se toot jaati hai.

 

Unke tootne se angrezon ko lagta hai ki wah jhansi par aashani se apna raaz bana lenge. Lekin yeh sab dekhte huye rani Laxmibai khud ko majboot karti hai aur angrezon se ladne ke liye yudh niti taiyar karti hai. Iss yudh niti mein jhalkari bai, tatya tope aur goss baba unka poora saath dete hai. Aur yudh ka elaan kiya jaata hai. Movie mein jis dialogue ka humein intejaar hota ki “mein apni jhansi nahi dungi” ko bolte huye Kangana Ranaut khub jamti hai.

Iske baad movie mein aapko kaafi ache war scene dekhne ko milte hain. Movie ka second half war, fight scene aur action se bhara hua hai. East India company ke saath huyi iss war ko screen par behtareen roop se perform karte huye Manikarnika ke jeewan ke antim palon ko bhi movie mein dikhaya gaya hai.

Movie ke seond half ke compare mein first half aapko jyada impressive lagega. Manikarnika ke bachpan se shadi tak ke safar ko jyada ache tarah se dikhaya gaya hai. Wahin Kangana Ranuat ke dwara perform kiye fight scene mein aapko unka hard work bhi dikhai deta hai. Periodic drama movie hone ki wajah se aapko movie ka screen play aur set bhi pasand aaenge.  Movie mein dikhaye gaye action scene bhi audience ko impress karne mein safal hote nazar aate hain. Iske alawa har ek character apne getup mein bhadiya fit hua hai. Jhansi ki rani ke getup mein Kangana Ranaut kaafi achi lagti hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: