Thackeray Movie Review : Nawazuddin Siddiqui Ki Performance Jaan Daalti Hai Thackeray Character Mein

Aaj biopic based ek nahi 2 movies release huyi hain, jismein pehla naam hain Manikarnika ka aur dusra naam hai Thackeray. Dono hi movie alag alag category se belong karti hain. Jahan Manikarnika ek periodic drama film hai wahin Thackeray ek political drama film hai.  Yeh movie Shiv Sena leader Bala Saheb Thackeray ke jeewan par bahi huyi hai jahan movie mein hindu aur marathi samudaay ke logon ke hak ke liye ki gayi ladai ko dikhaya gaya hai. Movie mein sabhi character ka screen play kaafi acha nazar aata hai. Lekin sab se upar aapka man baar baar Nawazuddin Siddiqui ko Bala Saheb Thackeray ke roop mein dekhne ka karta hai.

 

Movie ke lead role mein apko Nawazuddin Siddiqui, Amrita Rao, Mahesh Manjrekar aur Shudhir Mishra nazar aate hain. Movie ke direction Abhijeet Panse ne kiya hai.

Movie 1960 ke dashak se shuru hoti dikhai deti hai. Jahan Thackeray ek press mein cartoonist ki job karte hain. Lekin issi cartoon ki wajah se hi unhe apni job gawani padti hai. Iske baad wah ek theatre mein movie dekhne jaate hain jahan unhe yeh ehsas hota hai ki Maharastra mein rehne ek baad bhi Marathi community ko apna hak nahi mil paa raha hai. Yeh hak unhe respect, job aur samaaj mein apni jagah banye rakhne ke liye milna chaiye, jo ki unhe nahi diya gaya hai. Yahin se woh marathi community ke logon ko jodna  shuru karte hain, jise aage chal kar Shiv sena naam diya jaata hai.

 

Iss Shiv Sena ko banane ke liye unke pita bhi unhe support karte hain. Movie mein Thackeray par lage aaropon ko bhi dikhaya gaya hai lekin same time wah unn aaropon ka khandan karte huye bhi dikhai dete hain. Thackeray jitna marathi community ko importance dete hain utna hi hindutav ko bhi dete huye dikhaye gaye hain. Movie mein dikhaya jaata hai ki Thackeray par Lucknow ke court mein case chal raha hai jismein unn par Ayodhya mein banaye gaye module ko giraane ka aarop aur dange failaane ka aarop laga hota hai.

 

Movie mein lagbhag har uss abhiyaan ko dikhaya gaya hai jo Thackeray ne chalaye the, iss mein Shiv Sena ka sangthan, Gujratiyon ko Maharastra se bahar nikalna, Manohar Joshi ka Chief minister bnana, Muslim community se haath milana, Radhabai incident, janta party ki jeet jaise aur bhi kayi topics ko dikhaya gaya hai.

 

Nawazuddin dwara bole gaye dialogues mein aapko Bala Saheb Thackeray ki jhalak jarur nazar aati hai jisse aap movie ko ek nazar dekhna pasand karte hain. Amrita Rao ne unki oppose mein apne role ko kaafi ache se nibhaya hai. Movie mein lagaye gaye naare aapke andar bhi desh prem jaagane mein safal nazar aate hain. Dialogue aur screen ke maamle mein movie kaafi acha score karti nazar aati hai. Bahut jyada action ke naa hone bawajood bhi movie ki story aapko full time screen par nazar banaye rakhne ke liye majboor karti hai. Kahin na kahin Nawazuddin ka iss character ko play karna iss movie ke liye plus point saabit hota hai. Agar aap politics mein interest rakhte hain to yeh movie aapko jarur dekhni chaiye.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: