TENNA Par Dikhai Diya Xiaomi Ka Ek Aur Smartphone MI CC9e, Specification Bhi Huye Leak

Chinese certification website TENNA par aaj ek Xiaomi smartphone ko spot kiya gaya hai. Iss phone ka model number M1904F3BC bataya jaa raha hai. Aaj Xiaomi ke CEO Lei Jun ne yeh confirm kiya hai ki wah Meitu team ke saath collaboration se ek smartphone launch karne wale hai. Expect kiya jaa raha hai ki yeh wahi phone ho sakta hai. Iss phone ka code name ‘Little Fairy’ hai. Iske alawa yeh phone Mi CC9e bataya jaa raha hai.

TENNA listing par iss phone ke kuch specification bhi saamne aaye hain. TENNA listing mein mention kiya gaya hai ki iss phone mein 6.39 inch ki AMOLED screen FHD+ resolution ke saath dekhne ko mil sakti hai. Saath hi phone mein di gayi display mein aapko dot notch ke saath aa sakti hai.

Iske alawa yeh bhi bataya jaa raha hai ki phone mein 4000mAh ki battery di jaa sakti hai jo ki 18W ki fast charging ke saath aa sakti hai. Fast charging ki report ko 3C certification ke through saamne aayi hai. Reports ki according phone mein 32MP ka front facing camera diya jaa sakta hai, jismein 4-in-1 pixel Binning Technology ka use kiya gaya hai. Iss technology mein 4 pixels mil kar ek large pixel ko create karte hain.

 

Dikhai de rahi image mein phone ke rear panel par triple rear camera dekha jaa sakta hai, jiske neeche 48MP AI camera likha hua hai. Phone ke rear panel kisi bhi tarah ka finger print scanner option nahi dikhai de raha hai, jis se expect kiya jaa raha hai ki iss phone mein humein in-display finger print scanner dekhne ko mil sakta hai. Inn sabhi specs ke alawa yeh expect kiya jaa raha hai yeh phone Snapdragon 710 ya Snapdragon 712 chipset ke saath launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: