TENNA Listing Par Saamne Aaye Vivo Nex 3 5G Phone Ke Specs Aur Images

Vivo apne Nex series ke agle smartphone, Vivo Nex 3 5G ko launch karne ki taiyari mein laga hua hai. Iss phone se judi kaafi jaankari humare saamne aa rahi hai. Phone ke teaser image ko company already post kar chuki hai. Ismein bataya gaya tha ki phone mein waterfall screen ka use kiya jaayega. Yeh screen sabhi taraf se curved hogi. Phone ka screen to body ratio 99.6% dekhne ko milega.

Iss phone ko TENNA listing par V1924T  model number ke saath dekha gaya hai. Iske alawa TENNA listing ki according iss phone mein Snapdragon 855 Plus processor dekhne ko mil sakta. Isi ke saath, phone mein 5G connectivity ke liye Qualcomm X50 modem ka use company kar sakti hai. Phone ko 12GB RAM ke saath launch kiya jaa sakta hai.

Leaks images mein phone ke rear panel par circular camera module dikhai de raha hai. Rumors ki maane to iss phone mein Samsung’s 1/7″ 0.8-micrometer (μm) pixel 64MP ISOCELL Bright GW1 sensor ko use kiya jaa sakta hai. Iske alawa secondary camera 13MP ka aur front facing camera 16MP ka pop-up mechanism ke saath mil sakta hai. Phone ke rear panel par 5G branding clearly dekhi jaa sakti hai. Vivo Nex 3 5G mein company 4500mAh ki battery di sakti hai, jismein humein ultra fast charging ka option diya jaa sakta hai. Iske alawa ek taraf yeh rumors bhi saamne aa rahi hain ki company iss phone mein haal hi mein introduce ki gayi 120W charging technology ko bhi use kar sakti hai.

Rear panel par kisi bhi tarah ka finger print scanner dikhai nahi de raha hai, iss se expect kiya jaa sakta hai ki iss phone mein humein in-display finger print scanner ka option dekhne ko mile. Inn sabhi leaks ke alawa phone mein 6.89 inch ki full HD+ AMOLED display milne ki ummid bhi ki jaa rahi hai. Well, phone ki final specs aur price 16th September ko China mein launch hone ke baad hi humare saamne aa paayegi.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: