TENNA Listing Par Saamne Aaye Redmi 8 Smartphone Ke Specs

Xiaomi ke next smartphone ki leaks haal hi mein Chinese certification website TENNA ke through saamne aayi hai. TENNA listing mein phone ka model number M1908C3IC  bataya gaya hai. Maana jaa raha hai ki yeh phone Redmi 8 ho sakta hai. Model number ke alawa phone ke rear aur front panel ki image bhi saamne aayi hain.

Image mein phone ke rear panel par dual rear camera dikhai de raha hai. Iske alawa front panel par dot notch display dikhai de rahi hai. Saath hi phone mein rear mounted finger print scanner bhi dekha jaa sakta hai. Inn sabhi details ke alawa phone mein 6.2 inch ki HD+ display dekhne ko mil sakti hai. Issi ke saath phone mein 2GHz Octa-Core Processor bhi dekhne ko mil sakta hai.

Also Read : Redmi Note 8 Jaldi Hi Hoga Launch 

TENNA Listing ki according phone mein 12MP+5MP ka dual rear camera setup mil sakta hai, saath hi front facing camera 8MP ka diya jaa sakta hai. Inn sabhi specs ke alawa phone mein 5000mAh ki battery di jaa sakti hai, jo ki 10W charging ke saath mil sakti hai. Image mein dikhai de rahe phone ke rear panel par ‘Designed By Xiaomi’ aur Redmi ki branding dikhai de rahi hai. Inn sabhi specs ke alawa TENNA listing mein yeh bhi mention kiya gaya hai ki yeh phone Red, Green, Blue, Pink, Purple, Grey aur Black color mein launch kiya jaa sakta hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: