TENAA Website Par Dikhai Diya Honor 10 Lite, Jaaniye Specification Aur Launch Date Ke Baare Mein

Huawei company  ke sub brand Honor ki taraf se November 21st ko ek naya smartphone Honor 10 Lite announce hone wala hai. Lekin iski official announcement se pehle hi iss phone ki kaafi leaks saamane aa chuki hain.

Aaj Chinese website TENAA par iss phone ki listing dekhi gayi hai jahaan iske specifications bhi list kiye gaye hain. TENAA par list kiye gaye phone mein Honor 10 Lite ke 3 models ko show kiya gaya hai. Jo ki HRY-TLOO, HRY-ALOO, HRY-ALOOs hai. Isse yeh confirm ho jaata hai ki yeh phone 3 different model mein market mein launch kiya jaaega.

TENAA par listed specification ke according, Honor 10 Lite mein 6.21 inch ki TFT display di jaaegi jiska pixel resolution 2340×1080 (full HD+) hoga. Iske alawa phone mein 3320mAh ki battery milegi. Phone ke processor ki baat karein to 2.2Ghz frequency ke CPU ko list kiya gaya hai jisse ummid ki jaa rahi hai ki phone mein Huawei apne khud ke design processor Kirin 710 ko yaha use kar sakta hai.

 

 

Saath hi phone ki RAM variants ko bhi yaha disclose kiya gaya hai jaha Honor 10 Lite mein 4GB aur 6GB RAM variants dekhne ko milenge.  64GB aur 128GB internal storage options, iss phone mein milegi, jise aap microSD card ki help se 256GB tak expand kar sakenge.

Phone ke back panel ko TENAA ki website par show kiya gaya hai jaha phone gradient colors mein dikhai de rahe hain. Saath hi phone mein dual vertical rear camera setup moujood hai, jo LED flash ke saath aata hai. Honor 10 Lite ka front facing camera 24MP ka aur rear camera setup, 13MP+2MP ka diya gaya hai. Issi ke saath phone ke back panel par finger print scanner ka cut out bhi diya gaya hai.

Jaha abhi tak kaafi high end phones ko bhi Android 9 Pie ki update nahi mili hai wahi yeh mid-range smartphone Android 9 Pie OS ke saath hi launch kiya jaaega. Ab aate hain price par, iski expected price 21,990 INR hai, jo ki specs ko dekhte huye, sahi hai. Lekin Company ise kis price tag ke saath launch karti hai, ye dekhna interesting hoga.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: