Tech News Of The Day – 9th July 2018

Xiaomi New POCOPHONE Series

Mi aur Redmi ke baad Xiaomi ab naye brand name ke saath apna smartphone business expand karne ki taiyaari kar raha hai. Xiaomi ka ye naya brand hai POCOPHONE, jise haal hi mein FCC certification ke dauraan dekha gaya. Isse pehle isi smartphone ko M1805E10A model number ke saath NCC certification site par bhi dekha jaa chuka hai. Halaanki iske specs ko lekar abhi koi bhi rumors ya khabar nahin aayi hai.

Xiaomi Mi 4th Anniversary Sale

Xiaomi ne abhi abhi apni Mi 4th Anniversary sale India mein announce ki hai jo kal yaani ki 10th of July ko shuru hogi aur 12th July tak chalegi. Is sale ke dauraan aapko devices aur bundles kam price mein mil sakenge, discount coupons bhi available honge aur saath hi Rs. 4 flash sale is Anniversary ka highlight hai. Xiaomi ki is sale mein roz sham 4 baje aap ‘find the 4’ game khelkar Redmi Y1, Mi LED Smart TV 4 55, Mi Body Composition Scale, Redmi Note 5 Pro, Redmi Y2, aur Mi Band 2 ko kewal Rs. 4 mein kharid sakte hain.

Samsung’s world largest mobile factory

Samsung ne aaj sector-81, Noida, India mein world ki sabse badi mobile factory start ki hai jo 35 acres mein banaayi gayi hai aur Prime Minister Narendra Modi ke haathon aaj iski inauguration ceremony hui hai. Company ke according is plant ke start hone se production double ho jayegi aur saath hi ye bhi bataya gaya hai ki ismein company ne 4,915 crores ki investment ki hai.

Nokia X5

HMD Global ne 11th July ko China mein ek launch event schedule kiya hai jismein Nokia X5 ke launch hone ki ummid hai. Ye smartphone 19:9 display aur notch design ke saath aayega aur ismein Nokia X6 ke mukaable badi notch aa sakti hai. Ismein two storage version launch ho sakte hain aur iske alawa dual SIM slots, Android Oreo, 3000mAh battery, MediaTek P22 processor aur three color versions iske key features honge.

Honor Note 10

Huawei ki sub brand Honor ne aaj Honor Note 10 ka pehla official teaser launch kiya hai jisse ye confirm hota hai ki ye smartphone bhi ab jaldi hi saamne aayega aur ismein AI features honge. Iske alawa rumors ke according, Honor Note 10 mein 6.9 inch ki QHD+ display, Kirin 975 processor aur 6000mAh ki battery aane ki ummid hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: