Tech News Of The Day – 8th August 2018

Xiaomi Mi A2

Mi A2 aaj India mein launch hi chuka hai, aur ye Amazon exlcusive smartphone kal se pre-order ke liye bhi available hai, jabki iski first salw 16th August ko hogi. Iski specs to hum jaante hi hain, lekin company ne iska kewal 4GB RAM aur 64GB ROM version hi launch kiya hai jiska price 16,999 INR hai. Iske alawa 6GB RAM aur 128GB internal memory ke saath aane waala Mi A2 India mein kuch samay baad launch hoga.

Xiaomi POCOPHONE F1 unboxing video

Xiaomi ka naya brand POCOPHONE, jiska flagship smartphone POCOPHONE F1 jaldi hi launch hone ki ummid hai, ka unboxing video, launch se pehle hi saamne aa gaya. Halaanki a is video ko youtube se hata diya gaya hai, lekin fir bhi kaafi kuch saamne aaya hai. Jis box mein ye  POCOPHONE F1 aane waala hai wo yellow and black color ka hoga aur us par POCOPHONE by Xiaomi bhi likha paaya gaya hai. Is box mein Quick start guide, SIM ejector PIN, USC type-c cable, 18W ka charger aur protection ke liye black case nazar aaya hai.

Samsung Galaxy Tab A (2018)

Samsung ka Galaxy Tab A (2018) bhi aaj India mein launch hua hai, jiski kimat 29,990 INR hai. Galaxt Tab A Flipkart aur Samsung Shop Online par available hai. Ismein 10.5-inch WUXGA display, Snapdragon 450 processor, 3GB RAM, 32GB internal storage, 8 MP auto focus rear aur 5 MP front camera hai. Iske alawa ye Dolby Atmos surround sound support ke saath aayega aur saath hi is Android 8.1 Oreo OS par chalne waale Tab A mein 7300mAh ki battery fast charging support ke saath di gayi hai.

Meizu 16 and 16 Plus announced 

Meizu ne bhi apne latest smartphones Meizu 16 aur 16 Plus aaj China mein announce kar diye hain. Meizu 16 mein 6-inch ki FHD+ display, SD 845 chipset, 6GB / 8GB RAM, 64GB / 128GB ROM , 12 + 20 MP rear camera setup, 20 MP front camera aur 3010mAh battery diya gaya hai. Iske alawa Meizu 16 Plus mein 6.5-inch ki FHD+ display, 3640mAh ki battery hai aur baaki sabhi specs same hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: