Tech News Of the Day – 8th Of June 2018

Aaj ki Tech news mein kuch khaas shaamil nahin hai, lekin phir bhi jo sabse badi news hai wo Google ki nayi Pixel series ke baare mein hai, saath hi Samsung ne bhi apne naye smartphones showcase kar diye hain. Iske alawa aur jo bhi aaj Tech world mein hua hai, use aap neeche padh sakte hain.

Google Pixel 3 XL pictures leaked

Google ki upcoming smartphone Pixel 3 XL ke real photos leak ho chuke hain. XDA developers dwara ye tasveerein saamne aayin hain jinmein notch display, dual front cameras aur glass back saaf taur par nazar aa raha hai. Saath hi iske jo features reveal huye hain inmein 4GB RAM, 64GB internal memory aur Snapdragon 845 chipset shaamil hain. Sath hi ismein rear panel par fingerprint scanner bhi moujood hai aur sabse disappointing hai, single rear camera.

Samsung Galaxy J3 and J7 announced

Samsung ne J series mein aaj aur do naye smartphones launch kiye hain jinmein Galaxy J3 aur Galaxy J7 shaamil hain. Galaxy J3 mein 5 inch ki aur Galaxy J7 mein 5.5 inch ki display hain aur dono HD resolution ke saath aayenge. Company ka kehna hai ki ye dono smartphones affordable hain, lekin price ana abhi baaki hai. J3 mein 8 MP rear aur 5 MP front cameras hain, jabki Galaxy J7 mein 13 MP front and 13 MP rear shooter moujood hain.

Samsung kaafi tezi se naye smartphones to launch kar raha hai, lekin kisi mein kuch khaas dekhne ko nahin mil raha. Ye dono smartphones bhi 16:9 display aur behad simple features ke saath aaye hain jinmein 18:9 displays, fingerprint scanner, fast charging jaisa kuch bhi nahin hai.

Oppo Find X specs leaked

Oppo ke aane waale naye flagship smartphone Find X ke kaafi specs aaj certification site TENAA se leak huye hain jinmein 6.3-inch ki full HD+ display 19.5:9 ratio ke saath aayegi. Ismein bhi Qualcomm ka flagship SoC SD845, Adreno 630 GPU ke saath moujood hoga aur saath hi Find X mein 8GB ki RAM aur 128GB ki onboard storage hogi jiske liye expansion ka option nahin hai. Ismein 16 MP ka primary aur 2 MP ka secondary rear cameras hain, iske alawa Find X mein 25 MP ka sensor front par moujood hai. Iski battery capacity bhi 3645mAh ki hai jo VOOC charging support ke saath aayegi. Oppo ka Find X June 19 ko Paris mein launch hone jaa raha hai aur usse thik 10 din pehle Find X ke saare specs saamne aa chuke hain.

Yahoo Messenger Shut Down

Yahoo Messenger 20 saal ke baad agle mahine se band hone jaa raha hai. Ye un messengers mein se hai jo instant messaging service sabse pehle lekar aaye the. Aur ab 17th July ko company ise shut down karne jaa rahi hai aur tab tak aap is service ko use kar sakte hain. Maana jaa raha hai ki Whatsapp, Facebook Messenger jaisi apps ke aane ke baad Yahoo Messenger race mein kahin peeche reh gaya hai aur isi ka nateeja hai ki company ise band kar rahi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: