Tech News of The Day – 7th June 2018

Aaj ka din khatm hone ko hai aur aaj Tech News mein sabse khaas raha Xiaomi ka India launch event jismein smartphone ke saath company ne apna software bhi announce kiya. Iske alawa aur bhi kuch khabarein neeche di gayi hain-

Xiaomi Redmi Y2 and MIUI 10

Xiaomi ne aaj apna naya selfie smartphone Redmi Y2 India mein launch kiya jismein 16 MP ka front camera LED flas aur AI feature ke saath diya gaya hai. Is smartphone ko 9,999 INR aur 12,999 INR ki kimat par 12 June se Amazon aur mi.com se kharida jaa sakta hai. Saath hi company ne aaj India mein MIUI 10 bhi launch kiya hai jo ki mid of June se smartphones par OTA dwara available hoga.

MIUI 10 mein Indian users ke liye naye features

MIUI 10 aaj hi India mein launch hua hai aur 14 June se ye available bhi hoga. India mein smartphones par MIUI 10 update ke saath kuch naye features bhi milenge jinmein sabse achha feature hai Camera aap se seedhe Paytm QR code scan karna. Camera open karte hi aap QR code scan kijiye aur iske baad wo automatically Paytm app mein bhi open hoga. Iske alawa messaging app mein bhi quick replies aur message se seedhe bank ki website ya nearby ATMs ke addresses paana possible hoga. Ab MIUI 10 aapke train ticket messages ko indentify kar card ke roop mein aapko simple aur necessary information dega.

Amazon Fire TV Cube 4K Media Player

Amazon ne aaj U.S. mein naya cube shaped Fire TV Media Player launch kiya jiski kimat takreeban 8,000 INR hai. Ise aap apne HD tv ke saath connect karke movies dekh sakte hain, applications use kar sakte hain, games khel sakte hain, etc. Ye ek voice remote control ke saath aata hai jise aap apni voice se control kar sakte hain. Iski khaas baat ye hai ki ye 4K Ultra HD content, HDR 10 aur Dolby Audio ke saath support karta hai.

OnePlus ‘Open Ears’ Forum

OnePlus ne aaj hi announce kiya hai ki wo India mein ‘Open Ears’ forum pehli baar 7th of July ko organize kar rahe hain. Company ke according is tarah ke community events se users dwara apne smartphones ke hardware aur software ke baare mein detailed feedback mil paata hai jo aage ke liye behad useful hota hai. Feedback collect karne ke baad, aage jo bhi software ya naya OS build hoga usmein users ke suggestions ko consider kiya jayega. Iske event ke liye company kewal 30 applicants choose karegi jismein koi bhi participate kar sakta hai aur entries 12th of June se start hongi. Chune huye 30 logon ke travel aur accommodation ka kharcha company hi uthaayegi.

BlackBerry Key2

BlackBerry ke aaj apna naya high-end smartphone launch kiya jiska naam Key2 hai, ise NewYork mein ek event mein launch kiya gaya. Black aur Silver color mein launch hone waale is smartphone mein 4.5 inch ki 3:2 display, Corning Gorilla Glass 3 ke saath aayegi. Is smartphone ke other features hain – Snapdragon 660 CPU, 6GB RAM, 129GB tak ki memory, 3360mAh battery aur dual 12 MP cameras. Ismein aapko touch display ke saath, 4-row ka physical qwerty keypad bhi milega. Iski kimat lagbhag 45,000 INR hai aur filhaal iske India launch ki koi khabar nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: