Tech News Of The Day – 7th August 2018

Oppo F9 Pro Specifications Out

Oppo F9 Pro, company ka upcoming smartphone hai, jo 15th August ko Vietnam mein launch hone waala hai aur India mein bhi ye handset jaldi hi aane waala hai. Lekin launch se pehle aaj hi is smartphone ke saare specs out ho chuke hain. Oppo F9 Pro 6.3-inch ki full HD+ display ke saath aayega aur ismein Octa Core MediaTek Helio P60 processor hoga. Iske alawa ismein 4GB RAM + 64GB Rom aur 6GB RAM + 128GB ROM storage options bhi honge.

Oppo F9 Pro 25 MP front camera ke saath release hoga aur 3500mAh ki battery hogi jo VOOC fast charging support ke saath aayegi. Is dual SIM handset mein rear mounted fingerprint scanner aur 16 + 2 MP dual rear cameras diye gaye hain.

Nokia India launch event

HMD Global ne bhi aaj confirm kiya hai ki wo 21st August ko India mein ek launch event host karne jaa rahe hain aur ismein Nokia 6.1 Plus ko expect kiya jaa raha hai. Ye smartphone Nokia X6 naam se last month Hong Kong mein launch kiya jaa chuka hai. Ismein 5.8-inch FHD+ display, Snapdragon 636 processor aur Adreno 509 GPU diya gaya hai. Ismein 16 + 5 MP ka rear camera setup, 16 MP front camera aur 3060mAh ki battery bhi included hain.

Google Android P (Pie) Announced

Google Android 9.0 P company ne aaj announce kar diya hai aur iska naam hai Android 9.0 Pie. Halaanki company ne expectation se kaafi samay pehle hi iski announcement kar di hai aur saath hi ye AI enabled bhi hai. Iske alawa ismein Adaptive battery aur Slices naam ke bhi features hain jo aapke smartphone use ko easy aur aapke device ko aur smart banaayenge.

Mi A2 India Price Leaked

Mi A2 ka India price Amazon par leak ho chuka hai. Amazon par Mi A2 pre-order ke liye listed hai aur iska price 17,499 INR bataaya gaya hai. Halaanki ab ise hata diya gaya hai, lekin phir bhi launch se thik ek din pehle smartphone ka price saamne aa hi gaya hai. Ye price Mi A2 4GB RAM + 64GB ROM version ka hai, lekin ye ab bhi confirm nahin hai ki iske alawa company India mein doosra variant launch karegi ya nahin.

ASUS Zenfone Live Android Go Phone

ASUS ka naya Android Go edition Zenfone Live aaj U.S. mein launch kiya gaya, jiski kimat kewal 109 USD (7,500 INR) hai. Zenfone Live mein 5.5 inch ki HD display, Snapdragon 450 chipset, 1GB RAM, 16GB native storage di gayi hai. Saath hi Zenfone Live mein Android 8.0 Oreo software ke saath 3000mAh ki battery bhi moujood hai. 13 MP ka rear camera aur 5 MP ke front camera ke saath aane waale is smartphone ko kewal Midnight Black color mein hi kharida jaa sakta hai.

Microsoft Surface Book 2 and Laptop launched in India

Microsoft ne bhi India mein aaj apni Surface Book 2 aur Surface laptop launch kiya. Is laptops aur surface Book 2 ko aap online aur offline retailers se all over India mein purchase kar sakte hain. Iske alawa Surface laptop ka price 86,999 INR se start hokar 2,33,999 INR tak jaata hai. Wahin Surface Book 2 ki kimat 1,37,999 INR se shuru hoti hui 2,95,999 INR tak jaati hai.

Surface Book 2 ke India mein seven verions launch kiye gaye hain aur Surface laptop ke three variants available hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: