Tech News Of The Day – 6th August 2018

Oppo’s Upcoming smartphone will be the first With Corning Gorilla Glass 6

Corning Incorporated ne last month hi Gorilla Glass 6 announce kiya hai aur aaj company ne ye bhi confirm kar diya hai ki Corning Gorilla Glass 6 ke saath aane waala first smartphone Oppo ka hoga aur jaldi hi aayega. Halaanki is smartphone ka naam announce nahin kiya gaya hai, lekin ye expected hai ki company ne aane waale smartphone F9 aur F9 Pro Corning Gorilla Glass 6 ke saath aayein.

Agar aisa hota hai to, India mein bhi F9 Pro jaldi hi Gorilla Glass 6 ke saath aa sakta hai.

Google Pixel 3 launch date revealed

Google apni Pixel 3 series third quarter mein launch karne waala hai, ye to sabhi ko pata hai, lekin iski date abhi tak nahin aayi thi. Lekin aaj Google ne galati se hi sahi, Pixel 3 series ki launch date confirm kar hi di. Is leak ke according, company Pixel 3 series ko October 4 ko launch karne ki planning kar rahi hai.

LG G7 ThinQ Launched In India

LG ne aaj apna flagship smartphone G7 ThinQ India mein launch kiya, jo ki Flipkart exclusive hai aur iska price 39,990 INR hai. Ismein Qualcomm Snapdragon 845 processor, 6GB LPDDR4X RAM, 128GB storage aur Android 8.1 Oreo OS hai. G7 ThinQ mein aapko 6.1-inch ki QHD+ 19.5:9 display milti hai, 16 MP dual rear camera setup aur 8 MP front camera bhi hai.

Oppo A5 Might Come to India next week

Oppo A5, jo ki ek lower mid-range smartphone hai, last month hi China mein launch hua hai aur ab 91 mobiles ki report ke according ye smartphone isi month mein India mein launch ho sakta hai aur iska price bhi 15,000 INR expect kiya jaa raha hai. Ismein 6.2-inch ki HD+ display, Snapdragon 450 chipset, 4GB RAM, 64GB native storage, 13 + 2 MP rear camera setup, 8 MP front shooter aur 4,230mAh battery jaise features included hain. Agar ye is price range mein aata hai to ye Xiaomi Redmi Note 5 Pro, Zenfone Max Pro M1 jaise handsets se compete karega.

Flipkart The Big Freedom Sale

Amazon ki freedom sale ki announcement ho hi chuki hai jo 9th August se shuru hone waali hai. Aur ab isi ko takkar dene ke liye Flipkart ne bhi apni the Big Freedom Sale ki announcment kar di hai. Flipkart ki ye sale 10th August se shuru hokar 12th August midnight tak chalegi. Is sale ka page Flipkart par already live hai aur sale mein CitiBank credit card holders ko 10% ka cashback offer bhi milne wala hai. Iske alawa is leading online retailer ne sale ko lekar aur koi information share nahin ki hai.

Xiaomi POCOPHONE AnTutu benchmarking score

 

Xiaomi ke POCOPHONE ko lekar is samay market mein kaafi charcha ho rahi hai aur aaj ki khabar ye hai ki is smartphone ne AnTuTu ki benchmarking kewal pass hi nahin ki hai, balki kaafi high score raha hai POCOPHONE ka. Xiaomi ke is upcoming flagship handset ko AnTuTu benchmarking par 285302 score mila hai. Halaanki iske specs abhi tak out nahin huye hain, lekin itne impressive scores se ye to pakka hai ki ye smartphone kaafi powerful hai aur saath hi Snapdragon 845 chipset ke saath aane waala cheapest handset bhi hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: