Tech News Of The Day – 5th June 2018

Kal ke Computex 2018 aur WWDC 2018 event ke dauraan Tech World mein laafi kuch interesting raha hai. Aaj kayi news kaafi latest launches ke saath saamne aayin hain.

ASUS ZenBook and VivoBook series

ASUS ne Computex 2018 mein apni nayi ZenBook series mein ZenBook 15, 14 aur 13 announce kiye. Saath hi VivoBook S14, S15 aur VivoBook Flip 14 bhi saamne aaye. Iske alawa company ne interesting product 27 inch all-in-one PC aur Project Precog bhi introduce kiye. Project Precog dual display aur advanced AI features ke saath highlight mein raha.

Lenovo Z5

Lenovo ne bhi apna naya smartphone Z5 aaj China mein announce kiya jismein 19:9 ratio ke saath 6.2-inch ki FHD+ notch display moujood hai. Ismein Snapdragon 636 ke saath 6GB ki RAM aur 64 / 128GB storage di gayi hai. Iske 16 MP + 8 MP ke rear aur 8 MP ke front camera, AI support ke saath aayenge. China mein 1299 yuan ki shuruaati kimat ke saath ye smartphone 12 June se available hoga.

Lenovo A5 and K5 Note

China mein Lenovo ke A5 aur K5 Note smartphones bhi aaj hi introduce kiye gaye jo ki affordable range mein aate hain. Lenovo A5 ki kimat 599 yuan yaani ki lagbhag 6,000 INR se shuru hoti hai aur K5 Note ki kimat 699 yuan (approx. 8,500 INR) se shuru hoti hai. Ye dono smartphone full view HD+ displays ke saath aayenge aur Android 8.1 Oreo par chalnege. K5 Note mein 3GB RAM + 32GB ROM aur 4GB RAM + 64GB internal storage variants available honge, jabli A5 mein 3GB RAM ke saath 16GB / 32GB storage versions aayenge.

HTC Desire 12 & 12+ launching in India

HTC ne ye confirm kar diya hai ki wo apni nayi Desire series ke smartphones- Desire 12 aur Desire 12+ ko kal India mein launch karne jaa raha hai. In dono smartphones ki kimat 14,000 se 18,000 INR ke beech hogi aur dono mein aapko HD+ display milegi. Desire 12 mein MediaTek 6739 chipset hai, jabki Desire 12+ mein Snapdragon 450 SoC moujood hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: