Tech News Of The Day – 3rd August 2018

ASUS ZenBook Pro 15

ASUS na naya laptop ZenBook Pro 15 India mein 13th of August ko launch hone jaa raha hai, jo ki Computex 2018 ke dauraan introduce kiya gaya tha. Ismein hexa core 8th Generation Intel Core i7/  i9 processor diya gaya hai aur saath hi 1TB SSD storage bhi moujood hai. Zenbook Pro 15 mein 15.6-inches ki 4K UHD NanoEdge PANTONE validated display hai, jo ki iski khaasiyat hai aur saath hi ismein Harmon Kardon ke speakers diye gaye hain. Iski pricing details ke liye launch date tak ka intezaar karna hoga.

Xiaomi Crowdfunded Feature phone Qin1s

Xiaomi ne aaj China mein apna first feature phone launch kiya jiska naam Qin1s hai. Is 4G feature phone ko company ne China ke crownfunded platform Youpin par launch kiya hai. Saath hi Qin1s duniya ka pehla feature phone hai jo USB Type-C port ke saath launch kiya gaya hai. Qin1s mein 2.8-inch QVGA display, dual core processor, AI enabled real time translation aur 1480mAh ki battery bhi moujood hai. Qin1s ka price 199 yuan hai yaani ki lagbhag 2,000 INR aur China mein iski sale 15th September se start hogi.

Public Toilets in Google Maps

Google Maps ne pichle kuch samay mein kaafi features add-on kiye hain, jismein two wheelers mode bhi shaamil hai. Haal hi mein Google ke ek executive ne ye confirm kiya hai ki company phir se Google Maps mein kuch features add karne jaa rahi hai jismein se ek hai Maps mein Public Toilet hai jo specifically India mein hi update hoga. Google Maps ke Program Manager ke according, wo is samay Union Ministry of Housing and Urban Affairs ke saath kaam rahe hain taaki Google Maps mein public toilets ko add kiya jaa sake.

Xiaomi Mi Mix 3 Launch Date

Xiaomi ka Mi Mix 3 pichle kaafi samay se rumors mein hai aur jaldi hi launch bhi hone jaa raha hai. Lekin haal hi mein AndroidPure ki report ke according, Mi Mix 3 September 15 ko China mein launch hoga, jismein no-notch aur bezel-less design ke saath display diya gaya hai. Is smartphone mein Vivo Nex ki tarah behad slim bezels hain aur front camera bhi display ke upar nahin hai, balki Mi Mix 3 mein bhi aapko pop-up camera hi milne ki ummid hai.

Amazon India Freedom Sale

Amazon India, Independence Day ke mauke par aapke liye ek sale lane waale hain ‘Amazon India Freedom Sale’. Ye sale 12.00 baje, August 9 ko shuru hogi aur 12th August ko raat 12 baje tak chalegi. Amazon India is sale ke dauraan aapko kaafi achhe disounts dene waali hai aur company ke according lagbhag is sale mein 20,000 deals hongi. Saath hi leading smartphone makers jaise ki OnePlus, Samsung aur Dyson jaisi companies ke products par bhi achhe discounts milenge.

 

Facebook Comments

Recommended For You

About the Author: Pooja Choudhary

2 Comments

Leave a Reply

Your email address will not be published.

%d bloggers like this: