Tech News Of The Day – 31st July 2018

Lenovo Will Launch World’s first 5G Phone

Lenovo Group ke Vice President ye confirm kar chuke hain ki Lenovo hi wo company hai jo world ka pehla 5G smartphone launch karegi. Saath hi yehi wo pehla phone hoga jismein Qualcomm ka Snapdragon 855 chipset hoga. Halaanki is smartphone ka naam abhi nahin pata hai, but ummid hai ki ye early 2019 mein debut karega.

Honor Note 10

Honor ne bhi aaj China mein Honor Note 10 launch kiya hai jismein 6.95-inch ki FHD+ AMOLED display di gayi hai. Kirin 970 chipset par chalne waale is Honor Note 10 mein 6GB / 8GB ki RAM ke options hain aur internal memory bhi 64GB aur 128GB variants mein milegi. Honor Note 10 mein 16 MP ka primary aur 24 MP ka secondary rear camera bhi include hai jo LED flash, f/1.8 aperture aur PDAF jaise features ke saath aayenge. Ismein 13 MP ka front camera hai aur ye EMUI 8.2 software par chalta hai jo Android 8.1 Oreo par based hain. Saath hi Honor Note 10 ki battery 5000mAh ki hai aur rear panel par fingerprint scanner bhi hai.

Motorola One

Motorola One, company ka naya Android One smartphone China ki TENAA certifications site par dekha gaya jismein iske kaafi specifications bhi reveal huye. Motorola One mein 6.18-inch ki full HD+ display, Octa core processor, 16 MP + 5 MP dual rear camera setup aur 12 MP front camera jaise features hain. Iske alawa iske rear panel par aapko fingerprint scanner aur battery capacity 2820mAh ki di gayi hai. Ummid hai ki company 2nd August ko jo press event Chicago mein host karne waali hai, usmein Motorola One bhi launch kiya jaaye.

Mi A2, Amazon exclusive

 

Xiaomi ne haal hi mein Mi A2 ko global launch event ke dauraan, Madrid, Spain mein launch kiya aur ab ye smartphone India mein debut karne jaa raha hai. Iska India launch August 8 ko, New Delhi mein hai. Ye pehle hi clear hai ki company iska 4GB RAM + 32GB ROM version India mein launch nahin karegi aur 4GB + 64GB ROM, 6GB RAM + 128GB storage verison hi India aayenge. Isi ke saath aaj ye bhi saaf ho gaya hai ki ye ek Amazon exclusive device hoga jiska teaser page aap Amazon par dekh sakte hain.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: