Tech News Of The Day – 2nd August 2018

Samsung Galaxy Tab S4

Samsung ne aaj U.S. mein Galaxy Tab S4 launch kiya jiski kimat 649.99 US dollars (approx. 44,500 INR) se start hoti hai. Ismein 10.5-inch ki WQXGA 16:10 Super AMOLED display, snapdragon 835 processor, 13 MP auto focus rear camera with LED flash, 5 MP front camera, Iris scanner aur fast charging support ke saath 7300mAh ki battery jaise specs hain. Is Android 8.1 Oreo par chalne waale Galaxy Tab S4 ka 4GB RAM + 64GB ROM version $ 649.99 ke price par available hoga aur 256GB internal storage variant ki kimat $749.99 (approx. 51,000 INR) hai.

Infinix Smart 2 in India

Infinix ka entry-level smartphone Smart 2 bhi aaj India mein announce kiya gaya hai, jiska 2GB RAM + 16GB internal memory version 5,999 INR ke price tag ke saath aur 3GB RAM + 32GB native storage variant 6,999 INR mein available hoga. Infinix Smart 2 ke ye dono version Flipkart exclusive hai jinhein aap 10th August se kharid sakte hain. Smart 2 mein 5.45-inch ki HD+ display, quad core MediaTek 6739 processor, 13 MP rear shooter, 8 MP front camera, 3050mAh battery aur dual SIM support jaise features hain. Android 8.1 Oreo software ke saath aane waale Smart 2 smartphone mein aapko face unlock feature bhi milta hai.

 Google Android ‘P’ coming soon

Expect to ye kiya jaa raha tha, ki Pixel 3 series ke saath hi Google Android ‘P’ ke naam ko reveal karega. Saath hi company ne bhi Android P Beta 4 release karte time yahi kaha tha final Android P, Pixel 3 smartphones ke liye 3rd quarter mein launch kiya jayega. Aur aaj famous leakster Evan Blass ne twitter post ke through Android P ke launch ki date reveal ki hai, jo ki 20th August hai.

Netflix Original series: Baahubali: Before The Beginning

Baahubali movie ked ono parts poori duniya mein kaafi pasand kiye gaye, jismein poori kahaani ko kaafi behtar tareeke se pesh kiya gaya. Lekin ab Netflix ki ek original series mein hum iska ek naya part dekh sakenge jo Baahubali: The Beginning aur The conclusion movies ka prequel hoga. Netflix ne aaj is nayi series ki announcement ki hai jiske two seasons aayenge aur usmein Rani Shivgami ki journey dikhaayi jayegi. Is series ke liye Netflix ne Baahubali team se haath milaaya hai jinmein Arka Media Works aur SS Rajamouli bhi shaamil hain. Halaanki is series ki release date abhi saamne nahin aayi hai.

BlackBerry Evolve and Evolve X

BlackBerry ne bhi aaj India mein Evolve aur Evolve X launch kiye jinki kimat 24,990 INR aur 34,990 INR hai. Ye dono hi Amazon exclusive smartphones hain jo kewal Black colors mein available honge. In dono smartphones 5.99-inch ki full HD+ display, Conring Gorilla Glass 5 protection, 16 MP front camera, fingerprint sensor aur 4000mAh ki battery hai. Iske alawa Evolve mein Snapdragon 450 chipset hai, dual 13 MP rear cameras hain aur 4GB ki RAM hai. Evolve X mein Snapdragon 660 chipset hai, 12 + 13 MP rear cameras aur 6GB ki RAM hai.

Nokia 6.1 Plus Coming soon to India

Ye expect kiya jaa raha hai ki, China mein launch huye Nokia X6 ka global version Nokia 6.1 Plus jaldi hi India mein aane waala hai. Company ne is baat ki announcement Twitter par ek post ke zariye ki hai. Halaanki is post mein smartphone ka naam nahin hai. Nokia 6.1 Plus ke alawa Nokia 5.1  Plus ya Nokia 2.1 bhi India mein aa sakte hain. Filhaal ye confirm hai ki India mein Nokia launch event jaldi hi schedule kiya jayega aur is event ko jo Nokia fans attend karna chahte hain, unke liye ek contest bhi organize kiya gaya hai.

Facebook Comments

Recommended For You

About the Author: Pooja Choudhary

2 Comments

Leave a Reply

Your email address will not be published.

%d bloggers like this: