Tech News Of The Day – 27th July 2018

ASUS Zenfone 5Z 8GB RAM Model

ASUS ka Zenfone 5Z isi month ke starting mein India mein launch kiya gaya tha jismein 6GB ki RAM di gayi thi. Ab isi smartphone ka 8GB RAM version aaj company ne India mein announce kiya hai jo exclusively Flipkart par 30th July se available hoga. Zenfone 5Z mein 8GB RAM aur 256GB ki internal memory hogi aur baaki sabhi specs similar honge. Saath hi Axis credit aur debit cards se purchase karne par aapko 2,000 INR ka off milega. Iske alawa agar aap Zenfone 5Z 8GB RAM version ko kisi bhi credit ya debit card se launch day se 20 din ke baad tak kharidte hain to bhi aapko 2,000 INR ka off milega.

Xiaomi Power Bank Gets Price Cut

Xiaomi ke 10,000mAh aur 20,000mAh power banks ke prices India mein kam ho gaye hain. November last year mein launch huye in Mi power banks 2i ki kimat 799 INR aur 1,499 INR thi, iske baad isi saal April mein inke prices 100 INR increase bhi huye the aur ab ye Mi Power Bank 2i phir se same launch price par hi milenge yaani ki 799 INR aur 1,499 INR.

Xiaomi Mi 8 SE 6GB RAM variant

Xiaomi ne haal hi mein latest mid-range chipset Snapdragon 710 ke saath apna pehla smartphone launch kiya tha jiska naam Mi 8 SE tha. Mi 8 ke saath hi launch huye is smartphone ka pehle kewal 4GB RAM variant aaya tha aur aaj company ne China mein iska 6GB RAM ke saath 128GB inbuilt storage variant bhi official kar diya hai. Is samay ye Mi Store aur Mi.com par ‘coming soon’ ke tag ke saath listed hai aur aur bahut jaldi available bhi hoga. Iski kimat 2299 yuan hai (approx. 23,000 INR) available hai

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: