Tech News Of The Day- 26th June 2018

Aaj ki tech news mein kaafi important news shaamil hain jinmein ASUS ke Zenfone 5Z, Xiaomi ke Mi Max 3 Pro, Samsung Galaxy J8 jaisi kaafi important khabarein shaamil hain. Aaiye daalte hain ek nazar aaj ki khaas tech news par.

ASUS Zenfone 5Z

ASUS ka naya flagship smartphone, Zenfone 5Z India mein ek Flipkart exclusive hoga, is baat ka khulasa to kal hi ho gaya tha, lekin aaj ye bhi saaf hai ki ye smartphone India mein 4th of July ko 12 baje ek press event mein launch kiya jayega. Is smartphone ke specs hum aapko kal ki tech news mein bata hi chuke hain aur rahi kimat ki baat to uska pata bhi jaldi hi chal jayega. Ummid hai ki iski kimat 25 to 30 thousand ke beech ho.

Xiaomi Mi Max 3 Pro

Xiaomi 2nd July ko apna next product launch karne jaa raha hai ummid hai ki Mi Max 3 aaye, lekin kuch sources ke according us din company Mi 6X ka special edition launch kar sakti hai aur Mi Max 3 agle mahine ke end mein launch ho sakta hai. Saath hi badi khabar ye bhi hai ki company Mi Max 3 Pro bhi isi ke saath launch lar sakti hai jo ki ek mid-range smartphone hoga aur ismein ek latest mid-range chipset Snapdragon 710 aayega aur iske leaks kahin aur se nahin, balki official website dwara hi ye leak hua hai, jismein 6.9-inch ki display, 128GB ki storage aur 5,400mAh ki battery aayegi.

Samsung Galaxy J8

Galaxy J8 ko Samsung dwara last month launch kiya gaya tha aur aaj ki news ye hai ki ye smartphone India mein June 28 yaani ki coming Thursday se available hoga. India mein ye Black, Blue aur Gold colors mein aayega jiski kimat 18,990 INR hogi. Ismein 6-inch ki HD+ display, 16+5 MP ka dual rear camera setup, Snapdragon 450 processor, 4GB ki RAM aur 3500mAh ki battery hogi.

Moto Z3 Play

Motorola ka naya smartphone Moto Z3 Play haal hi mein Brazil mein launch kiya gaya tha aur ab ise U.S. mein launch karne ki taiyaari hai. U.S. launch ke baad is smartphone ka India launch bhi jaldi hi hoga. Kuch sources ke according Amazon Moto Z3 Play ko jaldi hi apne Prime offers mein add karne wala hai aur ye July 29 se sale ke liye bhi available hoga. Iski kimat 40,000 INR se 45,000 INR ke beech hogi.

Xiaomi Mi A2

July 3 ko home country mein hone waale launch event ke alawa, Xiaomi ek Global event bhi karne jaa rahi hai, halaanki iski koi date abhi tak nahin aayi hai, lekin Xiaomi India dwara iske teasers aane shuru ho gaye hain aur poori ummid hai ki company jaldi hi, Mi A2 ko India mein ek Global event mein launch kare. Isse pehle July mein hi company ne Mi 5X ko launch kiya tha aur baad mein yahi phone Mi A1 ke naam se globally launch hua. Is saal bhi July mein shayad company Mi A2 ko India mein launch kar sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: