Tech News Of The Day – 26th July 2018

Huawei Nova 3 and 3i

Huawei ne aaj India mein Nova 3 aur Nova 3i launch kiye hain, jinmein se Nova 3 premium smartphone hai jiski kimat 34,999 INR hai. Iski khaasiyat hai iska 16+ 24 MP ka dual rear camera setup aur Turbo GPU. Iske alawa ismein Kirin 970 chipset hai aur 6GB RAM available hogi. Wahin, Nova 3i mein company ne Kirin 710 processor diya hai aur RAM 4GB ki hai. Ismein aapko 16 + 2 MP MP ka dual rear camera setup milta hai aur ise 20,990 INR ke price ke saath launch kiya gaya hai.

Ye dono smartphone Amazon exclusive hai jinke pre-orders aaj se start ho chuke hain aur 7 August se inki sale start ho jayegi.

Panasonic new OLED TV range

Panasonic ne aaj India mein apni nayi TV series launch ki hai jinki starting price 65,000 INR hai. Company ki 4K series mein 11 televisions launch kiye gaye hain, jabki nayi OLED TV series mein 55-inch aur 65-inch ke two models hain jinke price 2,99,000 INR se start honge. In televisions mein “Hexa Chroma Drive PRO” feature diya gaya hai jo ki ek color management system hai. Iske alawa aapko ismein Black Filter, super bright panel, ultra-fine tuning technology, and thin dynamic blade speakers bhi diye gaye hain.

Iske alawa in televisions mein swipe and share mechanism feature bhi hai jiske through aap content ko TV aur other smart devices ke beech mein share kar sakte hain.

OnePlus 6T Renders

OnePlus 6 ke launch ke baad ab OnePlus 6T ke rumors bhi saamne aane lage hain, jo ki company ka next flagship hoga aur kuch hi months mein launch kiya jayega. Halaanki company ke CEO Carl Pei ne kaha tha ki OnePlus 6T ko tabhi launch kiya jayega, jab company ne paas customers ke liye smartphone mein kuch new aur innovative hoga. Lekin ab other leading Chinese brands Oppo aur Vivo ki tarah, log expect kar rahe hain ki OnePlus bhi apna agla handset full view display ke saath launch karega jismein notch design nahin hoga. Aur ye bhi rumor hai ki OnPlus 6T mein bhi elevated camera aa sakta hai.

Iske alawa OnePlus 6T ko lekar jo renders image saamne aayi hai, usmein ye ultra slim bezels ke saath nazar aa raha hai aur saath hi triple rear cameras aur dual selfie elevated cameras show ho rahe hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: