Tech news of The Day – 25th June 2018

Aaj ki tech news mein bhi Xiaomi ke Redmi 6 Pro aur Mi Pad 4 ki hi charcha hai, iske alawa India mein ASUS ka flagship smartphone bhi aane ki ummid hai. Saath hi aur bhi kuch khaas khabarein shaamil hain, jinhein aap neeche detail se padh sakte hain.

Xiaomi Redmi 6 Pro and Mi Pad 4

Xiaomi ne aaj China mein Redmi 6 Pro aur Mi Pad 4 launch kiya hai jinki kimat 10,500 se 15,500 INR ke beech hai. Redmi 6 Pro 5.84-inch full HD+ display, Snapdragon 625 processor, 3GB / 4GB RAM, 32GB / 64GB ROM aur 4000mAh ki battery ke saath aayega.

Doosri taraf Mi Pad 4 ko Wi-Fi aur 4G LTE versions mein launch kiya gaya hai aur ye bhi aapko 3GB RAM + 32GB ROM aur 4GB RAM + 64GB ROM options mein milega. Saath hi ismein 8-inch ki FHD+ display, Snapdragon 660 processor, 13 MP rear, 5 MP front camera aur 6000mAh ki battery aayegi.

ASUS Zenfone 5Z

Flipkart ne aaj ASUS ke flagship smartphone ke India launch ka pehla teaser show kiya hai jismein likha hai “Flagship Redefined Coming Soon only on Flipkart. For the product reveal, Come Back on 26th June at 8.45 pm.” Iska ishara ye hai ki ASUS ka Zenfone 5Z jo ki Flipkart exclusive hai, kal hi India mein launch hone jaa raha hai jismein aapko 6.2-inch ki FHD+ display, SD 845 chipset, 8GB tak ki RAM aur 256GB tak ki storage jaise features shaamil hain. Halaanki iske price ka abhi koi idea nahin hai.

Mi Max 3

China mein aaj Redmi 6 Pro aur Mi Pad 4 launch karne ke baad, Xiaomi ab 3rd of July ko fir se naya product launch karne jaa rahi hai jo Mi Max 3 smartphone ho sakta hai. Saath hi ummid hai ki company Mi 6X ka Hatsune Edition bhi launch kare. Mi 6X ka Hatsune Edition bhi haal hi mein leaks mein nazar aaya hai aur Mi Max 3 ko bhi TENAA certification site par dekha gaya hai. Lekin kuch sources ki maanein to July 3 ko kewal Mi 6X ka ye special edition aayega, jabki Mi Max 3 July ke last week mein launch hone ki ummid hai.

Reliance Jio 5GB daily data plan with JioLink device

Kuch sources ke according Reliance Jio ne JioLink device ke kuch plans announce kiye hain. TelecomTalk ke according, 699, 2,099 aur 4,199 INR ke kuch plans announce kiye gaye hain jo limited regions mein hi kuch users ke liye hain aur filhaal in par testing bhi jaari hai. In sabhi plans mein validity alag alag hai aur daily 5GB 4G data milta hai, lekin ismein aapko koi bhi calling ya message ki service nahin milti hai. Ismein sabse lamba plan 4,199 INR ka hai jiski validity 196 days ki hai aur ismein aapko 5GB per day data ke baad bhi 96GB ka additional data milta hai yaani ki aapko 1,076GB data milta hai aur 2,099 INR ke plan mein aapko 538GB data milta hai jo ki 98 days ke liye valid hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: