Tech News Of The Day – 25th July 2018

Sony Xperia XZ2 in India

Sony ne aaj India mein apna latest flagship smartphone Sony Xperia XZ2 launch kiya hai jiski kimat 72,990 INR hai. Ismein aapko 5.7-inch FHD+ Triluminos display, Corning Gorilla Glass protection ke saath milegi. Xperia XZ2, Octa Core Qualcomm Snapdragon 845 chipset par chalega aur ismein 6GB ki RAM aur 64GB ki storage hogi, jise aap microSD card slot dwara 400GB tak badha sakte hain. Xperia XZ2 Android 8.0 Oreo par chalne wala phone hai jismein 19 MP ka rear aur 5 MP front camera diya gaya hai. Saath hi Xperia XZ2 mein 3180mAh ki battery hai jo Qnovo Adaptive charging technology, Quick Charge 3.0 aur Qi Wireless charging support ke saath di gayi hai.

Xiaomi Mi A2 Indian version

Xiaomi ka Mi A2 kal globally launch kiya gaya hai, aur ye jaldi hi India mein bhi August 8 ko launch hone wala hai. Halaanki global launch ke dauraan iske three variants saamne aaye hain, lekin India mein ise kewal two variants mein hi release kiya jayega jo ki 4GB RAM ke saath 64GB ROM aur 6GB RAM ke saath 128GB internal memory options hain. Is handset ka 4GB RAM + 32GB ROM option India mein available nahin hoga. Saath hi Mi A2 ko aap India mein abhi kewal Rose Gold color mein hi purchase kar payenge. Iske Gold, Black, aur Blue options abhi India mein launch nahin honge.

Saath hi is smartphone mein fast charging ke liye Quick Charge 4.0 technology hogi, lekin aapko box mein standard charger hi milne wala hai.

Game Asphalt 9

Popular smartphone game Asphalt 8 ka naya version Asphalt 9 aaj launch ho gaya hai jise Asphalt 9 Legends ka naam diya gaya hai. Is game ka download size 1.5GB hai aur ye Android aur iOS users dono ke liye available hai. Is game mein is baar multi car racing, 50 new cars aur location tracking options add kiye gaye hain. Saath hi users 6 ka group banaakar, multi-player races bhi khel sakte hain. Is baar Gameloft ne is game mein nitro aur drift ke liye dedicated button bhi add-on kiya hai.

Honor Play

Honor 9N ke baad, company ab apna next new smartphone Honor Play India mein August 6 ko launch karne jaa rahi hai, jo ki ek Amazon exclusive hoga. India mein is handset ka kewal 6GB RAM ke saath 64GB internal storage variant hi launch kiya jayega jiski kimat approx. 22,000 INR se 25,000 INR ho sakti hai. Ismein 6.3-inch ki FHD+ display, Kirin 970 chipset, 16 + 2 MP auto focus rear shooter aur 16 MP front camera jaise features diye gaye hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: