Tech News Of The Day – 24th July 2018

Mi A2 and Mi A2 Lite

Aaj ki sabse important tech news rahi Mi A2 aur Mi A2 Lite ka launch jo ki Spain mein hua. Mi A2 mein 5.99-inch ki display hai, jabki A2 Lite mein 5.84-inch ki display hai. Dono hi smartphones full HD+ resolution ke saath aate hain, lekin A2 Lite mein notch diya gaya hai. Mi A2 mein Snapdragon 660 chipset hai aur A2 Lite mein SD 625 SoC diya hai. Mi A2 mein 12 + 20 MP ka dual rear camera setup hai aur front par 20 MP ka camera hai, saath hi 3010mAh ki battery di gayi hai. Jabki Mi A2 Lite mein 12 + 5 MP ka dual rear camera setup hai aur front par bhi 5 MP shooter hi hai. Halaanki Mi A2 Lite mein 4000mAh ki battery hai.

India mein kewal Mi A2 hi launch kiya jayega, jiska launch event August 8 ko hai.

Huami Amazefit BIP and Stratos watches

Xiaomi ke sub-brand Huami ne aaj India mein two new smartwatches launch ki hain jinke naam Amazefit BIP aur Stratos hain. Amazefit BIP aur stratos smartwatches 1.28-inch aur 1.34-inch always-on displays ke saath aayengi. Amazefit BIP mein apko 45 days ki battery life aur 1.28-inch ki always-on display milti hai, jabki Amazefit Stratos mein 1.34-inch ki color always-on display aur 5 days tak ki battery life aati hai. BIP Amazefit BIP ka price 5,499 INR hai, jabki Amazefit Stratos ki kimat 15,999 INR hai. Ye dono smartwatches Flipkart exclusive hain.

Jio Monsoon Hungama Offer

Reliance Jio ne naya Monsoon Hungama Offer announce kiya hai jismein aap ek old feature phone ko exchange karke, 501 INR mein new Jio Phone kharid sakte hain. Iski condition ye hai ki exchange mein diya jaane waala purana feature phone Jio Phone ya CDMA phone na ho aur working condition mein ho. Saath hi aapko 594 INR ka prepaid recharge bhi karwana hai jo ki compulsory hai, jismein 90GB 4G data aur free unlimited calls milte hain aur iski validity 6 months hai.

OnePlus opening 3 new experience stores in India

OnePlus mein apna business aur expand karne ke liye Chinese leading smartphone maker OnePlus, India mein three new experience stores open karne jaa raha hai jinki opening ceremony July 28, 2018 ko hi hogi. Ye retail stores Bengaluru, Mumbai aur Kolkata mein open honge. OnePlus ne India mein apna pehla offline store Bengaluru mein pichle saal open kiya tha aur is baar Bengaluru mein phir se company ek offline store open kar rahi hai jo Jayanagar, 4th Block mein located hoga.

Mumbai mein OnePlus ka store Seawoods Grands Central Mall mein hoga aur Kolkata mein OnePlus products ka experience karne ke liye ye store Anwar Sha road par located South City Mall mein milega.

Samsung Galaxy Note 9

Samsung Galaxy Note 9 jo ki next month 9th of August ko NewYork launch hone wala hai, ke pre-orders US aur other leading markets mein 14th August se start honge. Aur haal hi mein aayi ek report ke according is handset ke pre-orders India mein 19th of August se shuru honge. Isi source se ye bhi khabar hai ki Galaxy Note 9 ka India launch global launch k eek week baad hi hone ki ummid hai yaani ki 12th se 16th August ke beech. Aur iske according September first week se ye smartphone sale ke liye bhi available hoga. Ummid hai ki India mein iski kimat 70,000 INR -75,000 INR ke beech hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: