Tech News Of The Day – 23rd August 2018

Infinix Note 5

Infinix ne aaj India mein apna first Android One smartphone ‘Note 5’ launch kiya hai. Iska 3GB RAM + 32GB storage version 9,999 INR aur 4GB RAM + 64GB ROM version 11,999 INR mein 31st August se available hoga. Ye Flipkart exclusive smartphone aapko 5.99 inch ki full HD+ 2.5D curved glass display, Helio P23 processor, 12 MP auto focus rear camera aur 16 MP front camera jaise features ke saath milta hai. Halaanki iski khaasiyat hai ki ye stock Android ke saath aayega aur 4500mAh ki battery ismein fast charging support ke saath di gayi hai.

Oppo R17 Pro

Oppo ka R17 Pro bhi China mein aaj launch kiya gaya hai. Ye ek high-end smartphone hai jiski kimat 4299 yuan hai yaani ki lagbhag 44,000 INR. India mein isi week launch huye Oppo F9 Pro ki tarah hi ismein bhi VOOC flash charge technology di gayi hai. Saath hi ye world ka first smartphone hai, jo Corning Gorilla Glass 6 protection ke saath launch kiya gaya hai. Ismein 6.4-inch ki FHD+ display, Snapdragon 710 processor, 8GB RAM, 128GB native storage, 12 + 20 MP dual rear cameras, 25 MP frontal snapper aur 3700mAh ki battery hai. Saath hi ismein in-display fingerprint scanner bhi diya gaya hai.

HTC’s IFA launch event, U12 expected

HTC ne is month ke last mein, 30th August ko ek launch event schedule kiya hai, IFA 2018 start hone se theek ek din pehle. Expected hai ki company, ismein apna mid-range smartphone U12 Life launch karne waali hai. Is event ki announcement company ne aaj ek Twitter post ke zariye ki hai. U12 Life mein 6-inch ki full HD+ display, Octa core Snapdragon 636 chipset, 4GB RAM, 64GB storage aur 3600mAh ki battery aa sakti hai. Saath hi U12 Life mein 16 + 5 MP ka dual rear camera setup aur 13 MP ka front camera ho sakta hai. Android 8.1 Oreo based U12 Life mein dual 4G VoLTE support aur fingerprint scanner bhi ho sakta hai. U12 Life ki kimat 20,000 INR ke aas-paas hogi.

Oppo A5

Oppo A5, jo ki last month China mein launch hua hai, aaj use India mein bhi announce kiya gaya hai. Ye handset Blue aur Rose Gold colors mein offline market mein available hoga. Ismein 6.2 inch ki HD+ display, Snapdragon 450 processor, 4GB ki RAM, 13 + 2 MP ka dual rear camera setup aur 8 MP frontal camera shaamil hai. Oppo A5 mein 4GB ki RAM aur 64GB ki internal memory hai jise aap microSD card dwara 256GB tak badha sakte hain. Saath hi iski battery bhi 4,230mAh ki hogi.

Redmi 6

Xiaomi ka next budget smartphone Redmi 6, India mein September mein launch hone ki ummid hai. Saath hi khabar ye hai ki Xiaomi jiske sabhi smartphones Snapdragon processors ke saath aate hai, wahin Redmi 6 mein MediaTek Helio P22 chipset hoga. Iske alawa ismein 5.99 inch ki full HD+ display, 12 + 5 MP dual rear cameras, 5 MP front facing camera aur 3000mAh ki battery hogi. Saath hi iske two storage options aa sakte hain- 3GB+32GB, 4GB+64GB. Iske alawa ye bhi expect kiya jaa raha hai ki company iske saath Redmi 6 Pro ko bhi India mein release kar sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: