Tech News of The Day – 22nd June 2018

Aaj ki Tech News mein India se related kaafi khabarein hain, jaise ki Nokia X6 ka India launch, Meixu M6 jo ki aaj India mein aa chuka hai, Xiaomi ke Mi Pad 4 ke specs aur colors leaked renders, etc. In sabhi khabron ko detail se jaanne ke liye, aap neeche padh sakte hain.

Meizu M6

Meizu M6 aaj India mein 7,699 INR ki kimat par launch hua hai. Ismein 5.2-inch ki HD display, 18:9 ratio ke saath di gayi hai, saath hi MediaTek MT 6750 chipset ke saath eight cores ka processor hai. Ismein 2GB aur 3GB ki RAM ke saath 16GB aur 32GB ki memory di gayi hai. Halaanki ismein Android Oreo nahin, balki Android 7.0 Nougat OS diya gaya hai, jo ki completely outdated hai. 13 MP rear aur 8 MP front cameras ke saath ye exclusively Amazon par available hai.

Nokia X6 could launch soon in India

Nokia X6, jo ki company ka pehla notch display ke saath aane wala smartphone hoga, jaldi hi India mein launch ho sakta hai. Kayi rumors aur certification site par dekhe jaane ke baad, iska global launch jaldi hi expect kiya jaa raha hai. Lekin aaj Nokia X6 ka support page company ki India website par bhi dekha gaya, jo ye ishara karta hai ki smartphone jaldi hi India mein launch kiya jaa sakta hai. Ummid hai ki ismein 5.8-inch ki FHD+ 19:9 display, Snapdragon 636 processor, 4GB / 6GB ki RAM, dual rear camera aur 16 MP ka front camera aa sakta hai. Saath hi ye expect kiya jaa raha hai ki Nokia X6 ke three storage versions 14,000 se 18,000 INR ke beech mein launch kiye jayenge.

Vivo V9 Youth Price Cut In India

Vivo V9 ka cheaper version V9 Youth, isi saal April mein India mein launch hua tha. V9 Youth jo ki 18,990 INR ki kimat par aaya tha, ab 17,990 INR ki kimat par available hai. Ismein 6.3-inch ki full HD+ 19:9 display hai, Snapdragon 450 processor hai, 4GB ki RAM ke saath 32GB storage di gayi hai aur dual rear cameras bhi moujood hai.

Mi Pad 4 color variants leaked

Xiaomi jo Mi Pad 4, 25 June ko launch karne jaa raha hai, uske color options already saamne aa chuke hain. Leakster Ishan Agarwal ke according, Mi Pad 4 ko Black aur Gold colors mein launch kiya jayega. Saath hi company iske two Wi-Fi models launch karegi jismein ek 3GB RAM aur doosra 4GB RAM ke saath ayega. Mi Pad 4 mein 8-inch ki display, Snapdragon 660 processor, 13 MP ka rear, 5 MP ka front camera aur 6000mAh ki battery hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: