Tech News Of The Day – 22nd August 2018

Poco F1

Xiaomi ke Indian brand Pocophone ke aaj world ka Snapdragon 845 chipset ke saath aane waala cheapest smartphone launch kiya hai. Company ne according 20,999 INR ke price mein ye aapko FHD+ display, Snapdragon 845 chipset, fast charging support, notch display aur OnePlus 6 se jyada fast performance deta hai.

Company ne iske three versions launch kiye hain –

  • 6GB RAM + 64GB ROM – 20,999 INR.
  • 6GB RAM + 128GB ROM – 23,999 INR.
  • 8GB RAM + 256GB ROM – 28,999 INR.

Samsung Galaxy Note 9

Poco F1 ke alawa aaj India mein ek aur premium smartphone launch kiya gaya hai, jiska naam Galaxy Note 9 hai. Samsung ne aaj Note 9 ko improved S-Pen ke saath two versions mein launch kiya hai. Galaxy Note 9 ka 6GB RAM + 128GB ROM variant aap 67,900 INR mein kharid sakte hain, wahin 8GB RAM + 512GB ROM version ka price 84,900 INR hai. Ismein 6.4-inch ki QHD+ Super AMOLED Infinity display hai, Exynos 9810 chipset, dual SIM support, dual 12 MP rear cameras jo ki variable aperture ke saath aayenge aur 4000mAh ki battery fast charging ke saath di gayi hai. Iske alawa ismein AKG ke stereo speakers hain, AR Emojis hain aur ye water resistant bhi hai.

10.or D2

Tenor ne bhi aaj India mein ek affordable smartphone announce kiya hai jo 10.or D2 hai. Is smartphone ke 2GB RAM + 16GB storage variant ko aap 6,999 INR mein aur 3GB RAM + 32GB ROM variant ko aap 7,999 INR mein kharid sakte hain. Ye Amazon exclusive smartphone 28th August se sale ke liye available hoga. Ismein 5.45-inch ki HD+ display, Quad core Snapdragon 425 processor, 13 MP rear, 5 MP front aur 3200mAh ki battery hai. Saath hi ismein splash resistant, Android 8.1 Oreo software aur fingerprint scanner jaise feature bhi hain.

Jio Phone 2 Next Sale

Reliance Jio ke JioPhone 2 ko last month announce kiya gaya hai aur 16th of August ko ye first time flash sale mein available hua. Ab iski agli sale 30th of August ko dopahar 12 baje hogi aur iska price 2,999 INR hi hai. Company ke according Jio Phone 2 order karne ke baad 5 se 7 days mein aapko mil jaana chahiye, lekin saath hi company ne ye bhi kaha hai ki orders ke jyada number aane ke baad aur aapki location kahaan par hai, isko dekhte huye, thoda sa extra time phone ki delivery mein lag sakta hai.

Nokia 7 Plus Gets Android P Update

Nokia ka Android One smartphone, Nokia 7 Plus couple of months pehle hi India mein launch hua hai aur ab is smartphone par agle month Android 9.0 Pie update bhi aane waala hai. Saath hi company ne bhi is smartphone ke liye ek major camera update bhi release kiya tha, jiske baad ismein Google lens ko bhi use kiya jaa sakta hai aur ye camera app ab bhi Google Play Store par available hai. Company ne ye confirm kiya hai ki September ke first half mein hi Nokia 7 Plus par Android Pie ka update aa jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: