Tech News Of The Day – 21st June 2018

Aaj ki tech news mein bhi kaafi kuch important hai, jaise ki upcoming product launches ke leaks, India mein aaya Mi product, down payments ke saath available Pixel 2 aur Pixel 2 XL. Aaiye daalte hain ek nazar aaj ki important news par.

Xiaomi Mi Pocket Speaker 2

India mein aaj Mi Pocket Speaker 2 launch kiya gaya hai, jo ki kewal Mi.com par 1,499 INR ki kimat par available hai. Ismein LED indicator, aluminium rotating controller, 1200mAh ki battery jo ki 7 ghante tak non-stop music deti hai, moujood hai.

Redmi 6 Pro color variants

Xiaomi Redmi 6 Pro, 25 June ko launch hone jaa raha hai, lekin launch se pehle hi iske kaafi specs leak ho chuke hain aur ab official renders mein iske color options bhi hamaare saamne aa chuke hain. Redmi 6 Pro Rose Gold, Sand Gold, Lake Blue, Black aur Flame Red color options mein launch honge. Iske alawa ismein 5.84-inch ki 19:9 display hogi aur saath hi ismein Octa Core MediaTek chipset aa sakti hai. Ye smartphone three variants mein launch ho sakta hai aur saath hi ismein dual rear cameras aur MIUI 10 aayenge.

Myntra fitness tracker – Blink Go

India based online shopping stop, Myntra ne aaj apna naya fitness tracker launch kiya hai jiska naam Blink Go hai. Iska price 4,199 INR hai aur ye Myntra ki End Of Reason sale mein available hoga jo ki 22 June se shuru hai. Is Android based tracker mein designer straps ke saath color TFT display di gayi hai.

Google Pixel 2 and 2 XL on Airtel Online store

Google ke pichle saal launch huye Pixel 2 aur Pixel 2 XL Airtel Online Store par 10,599 INR ki down payment ke saath available hain. Google Pixel 2 ka 64GB version 10,599 INR ki down payment ke saath available hai, iska 128GB version 12,599 INR ki down payment par aapko milega. Jabki Pixel 2 XL 64GB variannt ke liye aapko 15,599 INR ki down payment deni hogi aur 128GB variant ke liye 22,599 INR ki down payment deni hogi. Iske baad 2,799 INR ki monthly installments aapko 18 months tak pay karni hongi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: