Tech News Of The Day – 20th Of June 2018

Hello Readers ! Aaj ke Tech News mein sabse imporant news rahi Oppo Find X ka launch, iske alawa Xiaomi ne bhi apne 2 naye product launch ki announcement kar di hai. Iske alawa aur bhi kuch khabrein hain jinhein aap neeche detail mein padh sakte hain.

Oppo Find X Launched

Oppo ne aaj apna latest smartphone Find X launch kar diya hai jiski khaasiyat hai uska slider mechanism jismein dono front aur rear cameras aur flash moujood hain. Saath hi Oppo ne Find X ka Limited Lamborghini Edition bhi launch kiya hai jismein 512GB ki storage di gayi hai aur ismein Super VOOC flash charge support diya gaya hai jiske zariye ye smartphone 35 minutes mein fully charged ho jata hai. Iski kimat 1,35,000 INR ke aas-paas hai.

Xiaomi Redmi 6 Pro and Mi Pad 4

Xiaomi ne bhi ye confirm kar diya hai aane waali 25 taarikh ko company Xiaomi Redmi 6 Pro aur Xiaomi Mi Pad 4 launch karne jaa rahi hai. Redmi 6 Pro mein 19:9 aspect ratio ke saath display moujood hogi aur saath hi ismein Snapdragon 625 processor aa sakta hai. Ye smartphone three storage versions ke saath launch ho sakta hai. Iske alawa Mi Pad 4 mein 8-inch ki display hai, Snapdragon 660 chipset ho sakta hai aur ye bhi two storage variants mein launch kiya jaa sakta hai.

Nokia 5.1 TENAA Certification

Nokia ke naye 5.1 smartphone, jo ki pichle saal aaye Nokia 5 ka successor hai aur aaj ise certification site TENAA dwara bhi approval mil chuka hai. Ye smartphone China mein Nokia X5 ke naam se bhi launch kiya jaa sakta hai. Is smartphone mein 5.86-inch ki HD+ display hai aur saath hi ye Octa Core processor par chalega. Rumors ke according ismein 13 MP ka rear aur 8 MP ka front camera aa sakta hai aur iski battery 3000mAh ki hogi. Halaanki price aur colors ke baare mein abhi koi information nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: