Tech News Of The Day – 1st June 2018

Xiaomi ke kal ke launches ke baas aaj ka din tech world mein thoda lazy hi raha. Kuch khaas launches to nahin huye, lekin fir bhi kayi important news zaroor aayin jo OnePlus smartphone, mobile apps application ke baare mein kaafi kuch bataati hain.

OnePlus Silk White Limited Edition

OnePlus 6 ka Silk White Limited Edition, India mein pehli baar 5 June ko available hoga. Iski kimat 39,999 INR hai aur ye Amazon.in aur OnePlus.in par hi available hoga. Iske saath aapko kuch offers bhi company dwara mil rahe hain jaise ki CitiBank ka Credit ya Debit Card use karne par 2,000 INR ka cashback.

Saath hi Servify dwara 1 saal ka free 12 month accidental Damage Insurance aur Amazon Prime Video users ke liye Rs.250. Iske alawa Idea users ke liye bhi 2,000 INR ka cashback aur insurance company dwara offer kiya jayega.

Oppo’s Upcoming Flagship- Find X

Oppo ne aaj hi apne Weibo account ke zariye ye confirm kiya hai ki company apna Find series smartphone, jiska naam Find X hai, jaldi hi launch karegi. Ye smartphone Oppo ka naya flagship aur high-end smartphone ho sakta hai, Oppo ne apne account profile mein bhi company ka naam hatakar Find X ka profile logo lagaaya hai. Saath hi iske leas mein full screen nazar aayi hai aur rear panel par fingerprint sensor nahin hai, jo ye confirm kar raha hai ki ye in-display fingerprint scanner ke saath aa sakta hai aur ummid hai ki biometric recognition feature ke saath aaye.

Gaana App has now a New Feature

Popular Music App, Gaana par ab naya feature aaya hai ‘Voice Assistant’. Ab aap apna favorite song kewal Voice command dekar hi sun sakte hain, jaise ki aap kahiye ‘Play Neha Kakkar songs’ ya fir ‘Play Sanju movie songs’. Ye feature abhi kewal Android users ke liye hi available hai, lekin iOS users ke liye bhi jaldi hi available hoga.

Redmi Y2 –An Amazon Exclusive

7 June ko India mein Redmi Y2 launch hone ki poori ummid hai. Ye smartphone pichle mahine China mein launch hua Redmi S2 hi hoga aur India mein ise Y1 ke successor ke taur par launch kiya jayega. Aaj Amazon dwara iska teaser saamne aaya hai jismein saaf likha hai ki ye smartphone Amazon exclusive Selfie smartphone hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: