Tech News Of The Day – 1st August 2018

BlackBerry Evolve and Evolve X

BlackBerry ne India mein ek launch event organize kiya hai jo kal yaani 2nd August ko hone wala hai. Aur aaj usse thik ek din pehle company ne ek teaser video YouTube channel par post kiya hai, jismein dual rear camera, fingerprint scanner aur BlackBerry logo ke saath smartphone dikhaya gaya hai aur video ke last mein BlackBerry Evolve aur Evolve X ka naam dikaaya gaya hai. Saath hi ismein koi physical keyboard bhi nazar nahin aa raha hai. Is video ke baad ye confirm hai, ki company kal BlackBerry Evolve aur Evolve X smartphones launch karne jaa rahi hai.

Get ASUS Zenfone Max Pro M1 Via Open Sale

ASUS ne Zenfone Max Pro M1 India mein April mein launch kiya tha, jiski pehli sale 3rd of May ko hui. Is handset mein two variants aaye 3GB RAM + 32GB ROM aur 4GB RAM + 64GB ROM jinki kimat 10,999 INR se start hoti hai. Halaanki ye smartphone ab tak weekly flash sales mein available hua karta tha, lekin ab, after months company ne ye announce kiya hai ki ye dono versions aapko kewal Flipkart par open sale mein mil sakenge jo 2nd of August se yaani ki kal se start hogi.

Iske alawa Zenfone Max Pro M1 ka 6GB RAM variant bhi India mein launch kiya gaya hai, lekin company ne use is open sale mein shaamil nahin kiya hai.

Sony HT-S500RF and HT-S700RF Soundbars

Sony ne aaj India mein apne latest Bluetooth enabled speakers launch kiye hain jo HT-S500RF aur HT-S700RF model numbers ke saath aayenge aur inke prices hain 29,990 INR aur 37,990 INR. In dono sound bars ko aap offline Sony stores aur online Amazon and Flipkart se kharid sakte hain. Saath hi in speakers ke baare mein company ka kehna hai ki rhombus-shaped grills ke hone se ye speakers 1,000 watts tak ka sound generate kar sakte hain aur saath hi ek exclusive India setting ki help se ye aapko kaafi powerful bass audio aur crystal clear sound quality offer karte hain.

Iske alawa aap Play Store se company ki music app download kar, usse seedha music in speakers par stream kar sakte hain.

Samsung Galaxy On8

Samsung ke aaj mid-range smartphone Galaxy On8 (2018) India mein launch kiya. Ye ek Flipkart exclusive smartphone hai jo 16,990 INR ke price par 6th August se available hoga. Ismein HD+ Super AMOLED display, Snapdragon 450 chipset, 16+ 5 MP rear cameras, 16 MP front camera with flash, 3500mAh battery aur 4GB RAM jaise features shaamil hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: