Tech News Of The Day – 19th June 2018

Aaj ki Tech News mein sabse inportant rahi hai Oppo Find X ki news, jo ki Oppo ka naya flagship smartphone hai aur saath hi iske India launch ki date bhi aanounce hui hai. Iske alawa aur bhi kuch khabrein hain, jo ki technology ke according, important hain.

Oppo Find X

Oppo Find X ko launch hone mein abhi kuch samay baaki hai, lekin almost sabhi important cheezein saamne aa chuki hain. Oppo Find X mein 6.4-inch ki display hogi. Ismein almost na ke barabar bezels hain aur upar ki taraf camera, earpiece, sensors kuch bhi nahi hai. Balki ismein bhi Vivo Nex ke pop-up camera jaisa hi kuch hai, lekin use kaafi alag. Ismein display ki width ka hi stretchable mechanism hai jiske bahaar aate hi front camera aur 3D face scanning sensors dikhaai denge aur dual rear cameras, LED flash light bhi isi par moujood hai.

Oppo India launch

Halaanki abhi Find X properly launch bhi nahin hua hai, lekin doosri taraf Oppo ne July 12 ko India launch event schedule kar diya hai. Is teaser invite mein company ne date to announce kar di hai, lekin kisi product ka naam zaahir nahin kiya hai. Fir bhi recent leaks aur aaj ke global Findx launch ke baad, company agle mahine isi smartphone ko India mein bhi launch kar sakti hai.

Comio C1 Pro

Comio ne bhi aaj India mein C1 Pro jo ki ek budget smartphone hai, launch kiya hai jiski kimat 5,599 INR hai. Ye smartphone online aur offline dono tarah se available hoga. Comio C1 Pro mein 5-inch ki display, 1.5 GHz quad core MediaTek MT6739 processor, 8 MP ka rear aur 5 MP ka front camera hai. Is smartphone mein fingerprint scanner to nahin hai, lekin front camera dwara face unlock feature support diya gaya hai.

Xiaomi Mi Max 3

Xiaomi Mi Max 3 China mein TENAA dwara certified kiya gaya hai. Ye handset M1804E4A, M1804E4T and M1804E4C model numbers ke saath dekha gaya. Listing ke according, 6.99-inch full HD+ display, Octa Core Qualcomm Snapdragon 636 processor, 6GB tak ke RAM options, 12 MP ka primary rear camera, ek secondary rear camera aur 5400mAh battery moujood hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: