Tech News Of The Day – 19th June 2018

Vivo NEX

Vivo ne aaj apna naya flagship handset Vivo NEX India mein 44,990 INR ki kimat par launch kiya. Is smartphone ki khaasiyat hai iska fast in-display fingerprint scanner aur pop-up front camera jo front camera app ke open se bahaar aata hai aur close karte hi band ho jaata hai. Is smartphone mein 8GB ki RAM, 6.59-inch ki highest screen-to body-ratio ke saath aane waali display, Snapdragon 845 processor aur dual rear cameras jaise features hain. Ye ek Amazon exclusive handset hai jiske pre-orders aaj se start ho chuke hain aur 21st July se ye sale ke liye bhi available hoga.

Nokia 3.1 Android One smartphone

HMD Global ne bhi aaj India mein apna naya smartphone Nokia 3.1 launch kiya jiski kimat 10,499 INR hai. Ye handset Paytm Mall aur Nokia website ke saath saath offline retailers par bhi available hoga. Ismein 5.2-inch HD+ display, Corning Gorilla Glass ke saath di gayi hai. Saath hi ismein Octa Core MediaTek MT6750N processor hai aur 2GB ki RAM aur 16GB storage bhi moujood hai. Nokia 3.1 mein 13 MP ka auto focus rear camera aur 8 MP ka front shooter diya gaya hai. Android 8.0 Oreo par chalne waale is Nokia 3.1 mein 2990mah ki battery hai aur dual SIM support bhi moujood hai.

Corning Gorilla Glass 6

Corning Incorporated ne bhi aaj apna naya Corning Gorilla Glass 6 announce kiya hai jo company ke according Corning Gorilla 5 se 2 times better hai. Company ke according, unki labs mein test karne ke baad ye baat prove hui ki Corning Gorilla 6 glass, 1 meter ki height se 15 drops tak survive kar sakta hai. Saath hi ye wireless charging ko bhi enhance karta hai. Saath hi kuch OEMs dwara testing ke baad, ye coming months se hi kuch smartphones mein aapko nazar aayega.

Samsung Foldable display Smartphone

Samsung ne bhi apne foldable smartphones par kaam shuru kar diya hai, jise lekar kaafi samay se news bhi aa rahi hai, lekin haal hi mein The Wall Street Journal ke sources ke according, ye company 2019 ke starting months mein hi apne pehla foldable display wala smartphone launch kar degi jismein 7-inch ki display ho sakti hai au rise Galaxy X ka naam diya jaa sakta hai, haalanki iska codename ‘Winner’ hai. Is smartphone ke saath company Huawei ke aane waale foldable handset ke saath compete karne ki taiyaari mein hai.

Xiaomi Mi Max 3

Xiaomi ka Mi Max 3 bhi aaj China mein officially saamne aa chuka hai aur ye two storage version mein launch hua hai jinmein 4GB RAM ke saath 64GB ROM aur 6GB RAM ke saath 128GB storage options shaamil hain. Ye smartphone Black, Blue aur Gold colors mein kal se China mein available hoga aur iski kimat 1699 yuan aur 1999 yuan rakhi gayi hai. Iske features mein 6.9-inch ki full HD+ display, Snapdragon 636 processor, Android 8.1 Oreo par based MIUI 10, dual rear cameras, 8 MP front camera, 5500mAh ki battery, face unlock features, etc. shaamil hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: