Tech News Of The Day – 18th July 2018

Vodafone 199 INR Tariff Plan Upgrade

Vodafone ne aaj apna Rs.199 ka tariff plan update kiya hai jiske baad aapko is plan mein double data offer hoga. Ab tak is plan mein aapko 1.4GB 4G data per day provide kiya jata tha jiski validity 28 days ki hai. Lekin ab is plan ki kimat aur validity to same hai lekin aapko 2.8GB 4G data per day. Saath hi ismein kisi bhi tarah ki koi FUP limit bhi nahin hai, matlab aap endlessly calls enjoy kar sakte hain, halaanki aapko ismein messages free nahin milte.

Samsung Refrigerator With 21-inch display

Samsung ne aaj India mein apna naya Family Hub refrigerator launch kiya hai jo ek IoT enabled fridge hai aur 21-inch ki display ke saath aane waala hai. Samsung ka ye Family Hub refrigerator 810 litres ka hai aur company ke according aapko triple cooling facility deta hai aur iski kimat 2,79,990 INR hai. Is Family Hub refrigerator mein 21-inch ki display ke saath apko Bixby Assistant bhi milta hai. Ismein diye gaye built-in View camera dwara aap apne Family Hub refrigerator mein rakhi cheezon ko dekh sakte hain, iske alawa Bixby voice assistant ki help se news aur weather forecasting bhi jaan sakte hain. Saath hi aap is Family Hub refrigerator ki display par apne mobile dwara kuch bhi stream karke ab kitchen mein bhi entertainment paa sakte hain. Saath hi ismein inbuilt AKG speakers bhi hain jo aapko acchi sound quality dete hain.

MediaTek New A-series processors

MediaTek ne bhi aaj mid-range smartphones ke liye ek nayi A-series ke processor announce kiye hain. MediaTek Helio P aur X series ke baad, ab mid-range smartphones mein A series bhi dekhne ko milegi. Ismein jo first model launch kiya gaya hai uska naam Helio A22 chipset hai. Last month launch hua Xiaomi ka Redmi 6A, is chipset ke saath launch hone wala first smartphone hai aur ye ek quad core CPU hai jiski clock speed 2.0 GHz hai. Iske alawa ummid hai ki jaldi hi aur bhi A-series ke chipset saamne aayenge.

Nokia X5 Is Now Official

HMD Global ne aaj China mein Nokia X5 ko launch kiya jo two variants mein 19th July se China mein order ke liye available hoga. Iske 3GB RAM with 32GB internal memory version ki kimat 999 yuan hai aur iske 4GB RAM with 64GB ROM version ka price 1399 yuan hai. Ismein notch display, Helio P60 processor, 13 + 5 MP dual rear cameras, 8 MP front cameras, 3060mAh battery jais features shaamil hain. Ummid hai ki India mein bhi iski entry 10 to 15 K ke beech jaldi hi hogi.

Google Introduced ‘Visual Snapshot’

Google Assistant mein ab aap apne poore din ki activity feed ka visual snapshot dekh payenge. Ye wahi Visual Snapshot hai, jo aapko ab tak Google Now feed mein dikhta tha. Is snapshot mein aap jo bhi news blogs follow karte hain unki feed, aapke travel cards, favorite stocks, reminders, meetings, mails, etc. shaamil honge. Aagle chalke ismein boarding pass, doosre apps jaise Google Keep, Spotify, etc. ki feed ko bhi shaamil kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: