Tech News Of The Day – 17th July 2018

Itel A62 In India

Itel ne aaj India mein apna naya smartphone Itel A62 launch kiya hai jismein dual rear cameras aur face unlock jaise features kewal 7,499 INR mein diye gaye hain. Ye smartphone India mein offline market mein available hai. Itel A62 mein 5.65-inch ki HD+ display, quad core MediaTek MT6739WA processor, 13 + VGA rear cameras, 5 MP front camera, Bike mode aur 3000mAh jaise features hain.

Vivo Y71i

Vivo ne bhi aaj apna naya entry-level smartphone Vivo Y71i India mein launch kar diya hai jiski kimat 8,990 INR hai. Ismein 6-inch HD+ full view display, Snapdragon 425 chipset, 2GB RAM aur 16GB ki internal memory moujood hai. Vivo Y71i mein 8 MP ka auto focus rear camera aur 5 MP ka front camera diya gaya hai. Iske alawa Android 8.1 Oreo OS aur 3360mAh battery bhi moujood hai. Is handset mein is price point par bhi fingerprint sensor nahin diya gaya hai, lekin face unlock support aapko yahaan par milta hai.

Nokia X5 launching tomorrow

HMD Global ne ye announce kar diya hai ki company ka pehla notch display wala smartphone, yaani ki Nokia X5, 18th of July ko China mein ek launch event mein showcase kiya jayega. Halaanki pehle ye smartphone 11 July ko launch hona tha, lekin kuch reasons se company ko ye launch event postpone karna pada. Is handset mein 5.84-inch ki full view display, MediaTek Helio P60 processor, 3GB / 4GB aur 6GB ke RAM options aur 32GB / 64GB ki internal memory mil sakti hai. Isi ke saath ismein dual rear cameras aur 8 MP ka front camera bhi hoga. Is smartphone ki kimat 8,500 INR se 10,000 INR ke beech ho sakti hai (800 to 1000 yuan).

Honor 9N

Honor apna naya smartphone India mein 24th July ko launch karne jaa raha hai aur aaj company ne Twitter account par ek post ke through is smartphone ka naam bhi share kiya hai aur ye hai Honor 9N. Ye smartphone pichle saal launch huye Honor 9i ka successor hoga aur expect ye kiya jaa raha hai ki last month China mein launch huye Honor 9i ka ye global version hai jise Honor 9N ka naam diya jaa raha hai aur iski kimat India mein lagbhag 15,000 INR hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: