Tech News Of The Day – 16th June 2018

Xiaomi Mi Band 3 Explorer Edition

Xiaomi ki Mi Band 3, two months pehle May mein China mein launch ki gayi thi aur ab company ki taraf se uske Explorer Edition ka teaser saamne aaya hai jo ye bata raha hai ki iska launch ab kaafi nazdeek hai. Mi Band 3 Explorer Edition ki tasveer company ne apne Weibo account par share ki hai jismein translucent strap ke saath fitness band nazar aa raha hai. Halaanki tasveer mein kewal White color ki strap hai, jabki expected hai ki ye multiple colors mein launch ho.

Samsung S10 and S10+ ultrasonic fingerprint scanner

Halaanki Samsung ke Galaxy S10 aur Note 10 ka launch abhi kaafi door hai, lekin company ne in par kaam shuru kar diya hai aur inki khabarein bhi aani shuru ho gayin hai. Kaafi samay se ye rumor aa raha hai ki Galaxy S10 mein company in-display fingerprint sensor degi. Aur aaj isi khabar ko lekar Samsung ke Mobile Head ne ye announcement ki hai ki Galaxy S10 2019 mein ultrasonic fingerprint scanner ke saath launch hoga. Aur saath hi 2019 mein Galaxy A series ke smartphones aur Note 10 mein bhi yahi fingerprint sensor use kiya jayega.

Discount on Vivo NEX

Vivo ke naye flagship smartphone Vivo NEX par Amazon launch se pehle hi 1,000 INR ka discount de raha hai. Amazon ki Prime Day Sale jo ki aaj se hi shuru hui hai, mein agar aap Vivo NEX ko pre-order karte hain to aapko is smartphone ki purchase par 1,000 INR ka cashback milega. Saath hi buyers ko 6 months ki extra manufacturer warranty bhi milegi, yaani ki 1.5 years ki warranty. Iske saath kuch other offers bhi hain, jaise ki Vivo NEX purchase karne par, exchange par extra 5,000 INR ka off, 12 months tak ke liye no cost EMI offer, Reliance Jio ki taraf se data offer, etc.

LG New AI-Based TV Range

LG ne bhi aaj India mein apni nayi TV range launch ki hai jiski kimat 32,500 INR se start hokar 29,49,990 INR tak hai. In sabhi televisions mein voice control, Artificial Intelligence support, Dolby Atmos Surround sound support jaise features moujood hain. LG ki is TV range mein 32-inch se 77-inch tak ke televisions moujood hain. Is range ki sabhi TVs ke saath aapko ek naya remote control milta hai jise company ne Magic Remote ka kaam diya hai aur iske dwara aap point, click, scroll aur voice command ka istemaal kar sakte hain. Saath hi inmein Mobile connection overlay naam ka feature hai jiske zariye aap apne smartphone ko television se connect kar sakte hain jiske baad aap mobile aur TV ki display ko simultaneously dekh sakte hain. In televisions mein company ne HDR support, Alpha 9 processor, OLED displays aur Dolby Vision jaise behtar features offer kiye hain.

Mi A2 Launch Confirmed By Xiaomi

 

Kal tak ye news confirm thi ki 24th July ko Madrid, Spain mein hone waale launch event ko Xiaomi host karega, lekin aaj company ne apne Twitter account ke zariye ye baat bhi confirm kar di hai ki  aane waala smartphone Mi A1 ka successor Mi A2 hai aur ye bhi Android One smartphone ki hoga. Mi A2, Mi 6X ka global version hoga aur sath hi khabar ye bhi hai ki Mi A2 Lite bhi launch kiya jayega, jo ki Redmi 6 ka global variant hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: