Tech News of The Day – 15th June 2018

Aaj bhi kaafi kuch tech news mein important hai, specially smartphones ko lekar. Ek taraf Micromax ne naya Canvas smartphone showcase kiya. Wahin, Samsung ne India mein S9 Plus ka new color option launch kiya aur bahaar naya Chromebook V2. Iske alawa Samsung ke Note 9 ki release date ko lekar bhi badi khabar saamne aayi.

Micromax Canvas 2 Plus

Micromax ne aaj ek naya budget smartphone Canvas 2 Plus launch kiya hai jise Matte Black and Jet Black colors mein 8,999 INR ki kimat par launch kiya gaya hai. Ismein 5.7-inch ki HD+ full view display, quad core processor, 3GB RAM, 32GB storage aur 4000mAh ki battery di gayi hai. Lekin 8,999 INR ki kimat mein aapko isse achha option bhi mil sakta hai, jaise ki Realme 1 jo aapko full HD+ display, premium colors and design, Octa Core Helio P60 chipset jaise features deta hai.

Samsung S9 Plus Sunrise Gold color option

Samsung ne bhi aaj India mein S9 Plus ka Sunrise Gold color option launch kiya hai jiski kimat 68,900 INR hai aur ye 6GB RAM aur 128GB storage ke saath available hai. Iske alawa baaki sabhi specs same S9 Plus ke hi hain. Is smartphone ke saath hi company ne special one-time screen replacement aur Paytm Mall ya ICICI Bank credit cards dwara kharidne par 9,000 INR ka cashback offer bhi announce kiya hai. Is naye Samsung S9 Plus Sunrise Gold ko aap Flipkart ya Samsung Shop ke through pre-book kar sakte hain aur 20th June se ye selected offline retail outlets par bhi available hoga.

Airtel updated its 99 INR prepaid plan

Jio Double Dhamaka announce hone ke baad sabhi rival companies apne tariff plans mein changes karne ko majboor hain. Aaj Airtel ne bhi apne 99 INR ke prepaid plan ko update kiya hai jiske baad ab Airtel customers ko is plan mein daily 2GB data milega aur saath hi wahi same free calls aur messages ki service bhi. Ab tak Airtel is plan mein 28 days ki validity ke saath 1GB data diya karta hai, jise ab double kar diya gaya hai. Saath hi jahaan aap Jio ke 28 days plan mein 300 messages kar sakte hain wahin ab Airtel aapko 28 days mein 2800 SMSes ka offer de raha hai.

Samsung Note 9 Coming On August 9

Samsung Note 9 ko lekar kuch hi dinon pehle ek tasveer leak hui thi jismein iska case dikha tha jo ye ishara kar raha tha ki Samsung ke side edges par ek extra physical button hoga jo ki camera shutter button ho sakta hai. Lekin ab ye baat saaf ho chuki hai ki aane waale Note 9 mein aisa koi physical button nahin hai aur mostly features Note 8 jaise hi honge. Saath hi ek aur news ye hai ki Note 9, August 9, 2018 ko launch ho sakta hai aur saath hi company Gear S4 Smartwatch bhi launch kar sakti hai.

Samsung ChromeBook V2

Samsung ne aaj Chromebook V2 announce ki hai jismein ek front aur ek rear camera moujood hai. Ismein 12.2 inch ki full HD display, Intel Celeron processor ke saath di gayi hai. Iske alawa ismein aapko ek in-built pen bhi milta hai. Ismein 4GB RAM aur 32GB storage hai jo microSD card ke saath 400GB tak expand ki jaa sakti hai. Samsung ka ye naya ChromeBook V2 BestBuy.com aur Best Buy stores par 24 June se available hai aur iska price USD 499.99 hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: