Tech News Of The Day – 13th July 2018

Xiaomi Mi A2 image and specs leaked

Xiaomi ka Mi A2 jo ki Spain mein 24th July ko launch hone wala hai, use haal hi mein Portugal ki online retail channel par dekha gaya hai aur saath hi Mi A2 Lite bhi nazar aaya hai. Yahaan in smartphones ke specifications aur prices bhi leak huye hain. Mi A2 mein 5.99-inch ki FHD+ display, Snapdragon 660 chipset, 4GB  / 6GB ki RAM aur 32GB / 64GB / 128GB ki storage aane ki ummid hai. Wahin Mi A2 Lite mein 5.84 inch ki FHD+ display, Snapdragon 625 chipset, 3GB / 4GB ki RAM aur 32GB / 64GB ki storage aa sakti hai. Dono hi smartphones mein dual rear camera setup aur fingerprint sensors bhi diye gaye hain.

Honor India Launch Event

India mein aane waale dinon mein kayi launch events hone waale hain aur ab inmein ek naam aur bhi jud gaya hai jo ki Honor ka hai. Honor ne aaj India mein apne naye smartphone ki launch event ke invites sent kiye hain jo ki 24th July ko hoga. Is invite mein tag line di gayi hai #NOORDINARYBEAUTY au rise two colors mein likha gaya hai jo ki smartphone ke color options ki taraf ishara karte hain. Ummid hai ki ye launch hone wala smartphone Honor 9i (2018) hai jise Honor 9X ke naam se bhi launch kiya jaa sakta hai.

Oppo A3s India Launch

Oppo ne bhi aaj India mein apna ek budget smartphone launch kiya hai jiska naam Oppo A3s hai aur iska price 10,990 INR hai. Ye smartphone 15th of July se India mein online aur offline dono retailers ke through sale kiya jayega. Ismein 6.2-inch ki HD+ display, Snapdragon 450 processor, 2GB ki RAM aur 16GB ki storage hai, jise aap microSD card ke saath 256GB tak badha bhi sakte hain.

Reliance Jio Phone Google Maps update

Pichle mahine ye announcement ki gayi thi ki YouTube, FaceBook, WhatsApp aur Google Map jaisi applications ab Reliance Jio Phone par bhi available hongi. Halaanki ye kab tak aayengi is date ka khulasa us samay nahin kiya gaya tha. Filhaal news ye hai ki Jio Phone mein Google Maps support aa chuka hai aur Youtube, Facebook, WhatsApp bhi 15th August tak is smart feature phone mein available honge. Jio Phone mein Google Maps ko download karne ke liye aapko phone ke Menu mein jaakar settings mein jaana hoga jahaan software update tab ke zariye aapko 2018.628.2 ye latest version update karna hoga.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: