Tech News Of The Day – 13th August 2018

ASUS ZenBook 13, 15  and S

ASUS ne aaj India mein apni ZenBook series mein three aur laptops add kiya hain, jinke naam ZenBook 13, ZenBook Pro 15 aur ZenBook S hain. ZenBook Pro 15 mein aapko 15 inch ki main display ke alawa 5.5-inch inch ka trackpad, full HD+ resolution ke saath milta hai aur ye 8th Gen intel core i9 processor par chalta hai. ZenBook 13 mein 13.3-inch ki FHD display di gayi hai aur ZenBook S mein bhi 13.3 inch ki FHD Nano edge display hai aur military grade MIL-STD-810G certification ke saath aata hai. In sabhi Zenbooks ke price 66,990 INR se 2,09,990 INR ke beech hain.

Techno Camon iAce and iSky 2

Techno ne aaj India mein apne two new budget smartphone launch kiye hain jinke naam Camon iAce aur iSky 2 hain. Techno Camon iAce ki kimat 6,799 INR hai aur ye aaj se hi India mein 35,000 se jyada offline retailers ke paas available hai, wahin iSky 2 bhi offline stores par 20th August se available hoga. In dono smartphones mein 5.5 inch ki HD+ display, MediaTek MT6739 chipset, 2GB RAM, 16GB internal storage aur 3050mAh battery di gayi hai. Camon iAce mein single 13 MP rear camera aur 8 MP front camera hai, jabki iSky 2 mein 13 + VGA dual rear camera setup aur 13 MP front camera hai.

Xiaomi POCOPHONE F1

Xiaomi ki nayi brand POCOPHONE ka first smartphone sabse pehle India mein, 22nd August ko launch hone jaa raha hai. Company ise ‘Master of speed’ aur ‘performance like never before’ jaisi taglines ke saath promote kar rahi hai, to zaahir hai ki ye flagship smartphone achha performer hoga. Iske alawa iske features mein Snapdragon 845 processor, Adeno 630 GPU, 20 MP front camera aur Quick Charge 3.0 fast charging bhi confirm hai. Expect kiya jaa raha hai ki ye SD 845 SoC ke saath aane wala ab tak ka sabse sasta phone hoga.

OnePlus 6T Rumors

OnePlus 6T ki bhale hi koi official news nahin aayi hai, lekin jaise jaise din guzar rahe hain, smartphone ke specs aur design ko lekar rumors aane shuru ho gaye hain. Haal hi mein ye khabar aayi hai ki ye smartphone bhi upcomingn Oppo F9 Pro ke jaisa hi hoga jismein aapko water drop size ki notch dikhegi aur saath hi water resistant bhi hoga. Iske alawa ye bhi expect kiya jaa raha hai ki ismein triple rear cameras moujood honge aur fingerprint scanner bhi is baar under display hi diya jayega. Halaanki company ne ab tak is par na kuch kaha hai aur na hi aisi koi khabar hai ki OnePlus 6T par koi kaam kiya jaa raha hai.

Vivo Y81

Vivo Y81 aaj India mein affordable segment mein launch kiya gaya, jise globally June mein Vietnam mein launch kiya gaya tha. India mein iska price 12,999 INR hoga aur ye Vivo online store, Amazon aur Flipkart par available hoga. Ismein 6.22 inch ki HD+ notch display hai, Octa Core MediaTek MT6762 processor, 3GB RAM, 32GB ROM aur 3260mAh battery capacity hai. Iske alawa 13 MP ka rear aur 5 MP ka front shooter bhi ismein diya gaya hai jo HDR, portrait mode aur flash light jaise features ke saath aate hain.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: