Tech News Of The Day – 12th June 2018

Hello Readers! Well, aapko jaankar achha lagega ki aaj Tech World ka kaafi busy day raha, Xiaomi jaise poplular brand ne budget smartphone, to Vivo ne high-end smartphones announce kiye, saath hi Jio ne bhi Double Dhamaka kiya.

Xiaomi Redmi 6 series

Xiaomi ne aaj China mein Redmi 6 aur Redmi 6A smartphones launch kiye. Inmein HD+ displays, face unlock feature aur 3000mAh batteries moujood hain. Redmi 6 3GB aur 4GB RAM options ke saath aayega aur 6A 2GB RAM ke saath aaayega. Redmi 6 mein Octa Core Helio P22 chipset hai aur 6A mein quad core Helio A22 processor. In smartphones ki kimatein 599 se 999 yuan ke beech hain.

Vivo NEX series

Xiaomi ke alawa Vivo ne bhi aaj apne naye high-end NEX series smartphones launch kiye jinke naam NEX S aur NEX A hai. NEX A, Snapdragon 710 chipset, 6GB RAM, 128GB ROM aurreat mounted fingerprint scanner kesaathaayega. Doosri taraf, NEX S mein Snapdragon 845 chipset, 8GB RAM, 128GB / 256GB storage aur in-display fingerprint scanner jaise features moujoodhain. Inki display6.59 inch ki FHD+ display hai jo 19.3:9 ratio kesaathaayegi, 8 MP ka front pop-up camera aur 4000mAh ki battery bhi di gayi hai. NEX S ke 256GB version ki kimay 4998 yuan takreeban 52,000 INR hai, 128GB variant ka price 4498 yuan hai aur NEX A ki kimat 3898 lagbhag 41, 000 INR hai.

Jio Double Dhamaka

Reliance Jio ne aaj hi Jio Double Dhamaka offer announce kiya hai jismein 399 INR ke tariff par Rs. 100 ka discount aur daily 1.5GB additional data ka offer mil raha hai. Yaani ki kewal 299 INR ke recharge par 3GB 4G data per day aapko 84 days ke liye mil raha hai. Iske alawa Jio ke sabhi tariff plans par 1.5GB additional 4G data per day provide kiya jayega, lekin is Double Dhamaka Offer ki validity 30th June tak hi hai.

Samsung Carnival on Flipkart

Is samay Flipkart par Samsung Carnival chal raha hai jismein aap sabhi Samsung products par behtar discounts ka laabh utha sakte hain. Ye carnival aaj se hi shuru hua hai aur 14th of June ko khatm hoga. Ismein Galaxy S8 aur S8+ par 12,000 INR tak ka off, S7 Edge aur Galaxy On Nxt jaise smartphones par bhi 10,000 INR tak ka discount available hai. Iske alawa Samsung ke Fit Pro, TVs, home appliances, etc, sabhi par aapko achhe discount mil jayenge.

Uber Lite App

Uber, ne aaj apni nayi Uber Lite app launch ki hai jo ki budget smartphones mein fast aur easily work karegi. Is app ko Android Go Edition smartphones mein bhi aasaani se use kiya jaa sakega. Uber ki jis aap ka use hum is samay karte hain jo 40MB ki hai, jabki aaj launch hui Uber Lite kewal 5MB ki app hai. Halaanki ismein aapko animations nahin milte hain, lekin yahaan text interface hain jisse aap seedhe can book kar sakte hain aur apna time bhi save kar sakte hain. Ye app sabse pehle kuch hi dinon mein Delhi, Jaipur aur Hyderabad mein available hogi aur phir dheere dheere baaki sab states mein.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: