Tech News Of The Day – 12th July 2018

Oppo Find X

Oppo ka naya premium range smartphone Find X aaj India mein 59,990 INR ki kimat par launch hua. Is smartphone mein 6.42 inch ki FHD+ AMOLED Display, Corning Gorilla Glass protection ke saath di gayi hai. Saath hi ismein Snapdragon 845 processor, Android 8.1 Oreo OS, 8GB RAM aur 256GB internal memory jaise features hain. Ismein 16 + 20 MP ka dual rear camera setup hai aur 25 MP ka front camera bhi moujood hai. Iske ye cameras aapko rear panel ya fir top edge par nahin, balki iske slider mechanism mein diye gaye hain jo ki upar ki taraf se slide hokar bahaar aata hai.

Mi A2 Global Event Schedule

Pichle saal launch huye Mi A1 ke successor ka log besabri se intezaar kar rahe hain aur use lekar kayi rumors bhi aa rahe hain. Aisa hi ek rumor pichle kuch dinon mein bhi aaya tha ki Mi A2 Spain mein july 24 ko launch ho sakta hai. Isi rumor ko sach karte huye, Xiaomi ne bhi is date par Mi A2 ke global launch event ki announcement kar di hai aur ye event Madrid, Spain mein hi hoga. Mi fans bhi is event ko attend kar sakte hain jiski registration ki last date 18th of July hai.

Apple 2018 edition MacBook Pro in India

Apple ne aaj India mein two new MacBook Pro launch kiye hain jinmein ek 13-inch aur doosra 15-inch  hai. In dono MacBook Pro mein 8th Generation Intel Core processors hain. Saath hi ye dono pehle MacBook Pro models hain jinmein Apple T2 Chip hai. Iske alawa 15-inch model mein Radeon Pro discrete graphics aur 4TB SSD storage hai. Wahin 13-inch MacBook Pro mein 2TB SSD storage, Intel Iris Plus integrated graphics 655 aur 2.7 GHz ki clock speed ke saath quad core Intel Core i5 aur i7 processors hain. In dono hi MacBook Pro models mein Touch Bar aur Touch ID bhi hai aur inki kimat 1,49,900 INR se start hoti hai.

Mi Max 3 Launch Schedule

Xiaomi ne apne naye smartphone Mi Max 3 ka launch event July 19 ke liye schedule kar diya hai jo ki China mein hi hoga. Is launch event ki confirmation Weibo dwara di gayi hai. Is launch event ka time 7.30 pm hoga, India mein 5 pm. Isi ke saath ye bhi expected hai ki Mi Max 3 6.9-inch ki full HD+ display ke saath aayega aur snapdragon 636 processor par chalega. Saath hi ismein 5400mAh ki battery aane ki ummid hai aur ye three storage versions mein launh ho sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: