Tech News Of The Day – 10th July 2018

Oppo Find X India Launch

Oppo Ka naya flagship smartphone Find X, jo ki last month Paris mein launch ho chuka hai, jaldi hi India mein bhi launch hone jaa raha hai. Is smartphone ke India launch ki date company dwara tweet bhi ki gayi hai hai aur saath bhi media invite bhi bheje jaa chuke hain. Oppo Find X mein 6.5-inch full HD+ OLED display, Snapdragon 845 processor, 8GB RAM, 256GB storage aur 3D face unlock jaise features hain.

Moto E5 and E5 Plus Launched In India

Moto E5 aur E5 Plus aaj India mein launch ho chuke hain aur inki kimat 9,999 INR aur 11,999 INR hai. Ye dono smartphones online Amazon par aur leading offline retailers ke through available honge. Isse pehle ye dono smartphones Brazil mein launch kiye jaa chuke hain. Moto E5 mein 5.7 inch aur E5 Plus mein 6 inch ki HD+ display hai. Ye dono smartphones dual SIM support karte hain aur Android 8.1 Oreo software par chalte hain. Moto E5 mein Snapdragon 425 SoC aur E5 Plus mein Snapdragon 430 processor diya gaya hai.

Oppo F7 Price Cut

Oppo ka F7 jo ki March mein India mein launch kiya gaya hai uski kimat ab kaafi gir chuki hai. Oppo F7 ka 64GB version 21,990 INR mein launch kiya gaya tha, jo ki ab 19,990 INR mein available hoga. Wahin iska 128GB internal memory variant 26,990 INR mein launch hua tha, jo ki ab 23,990 INR mein available hai. In dono smartphones ki kimat Amazon aur Flipkart par to abhi se kam nazar aa rahi hain, jabki Paytm aur other sellers abhi bhi ise same price par bhi sale kar rahe hain.

Huawei Nova 3 Official Launch Event

Huawei ka upcoming smartphones Nova 3 jo ki kayi dino se rumors mein hai, finally uski launch date saamne aa chuki hai. Company ne ye confirm kar diya hai ki Nova 3 ko 18th July ko ek launch event mein launch kiya jayega. Ye smartphone 18th July ko Shenzhen, China mein launch kiya jayega aur ye bhi expect kiya jaa raha hai ki uske baad 28th ko ye Philippines mein launch kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: