Tech News Of The Day – 10th August 2018

Samsung Galaxy Note 9

Aaj ki sabse important news hai, Samsung Galaxy Note 9 ka launch, jo ki aaj New York mein hua. Galaxy Note 9 two versions mein saamne aaya hai – 6GB RAM + 128GB ROM ka price 999.99 USD hai (approx. 69,000 INR) aur 8GB RAM + 512GB internal storage variant ki kimat 1,249.99 USD hai, takreeban 86,000 INR. Is baar Galaxy Note 9 mein kaafi improved aur vibrant S-Pen diya gaya hai jo ki smartphone ke matching colors mein hi aayega. Saath hi Galaxy Note 9 mein 6.4-inch ki QHD+ display, Exynos 9810 / Snapdragon 845 processor, Hybrid dual SIM slot, dual 12 MP rear cameras with f/1.5-2.4 variable aperture, 8 MP frontal sensor aur 4000mAh  battery di gayi hai.

Oppo F9 Pro Launching In India

Oppo ne ye confirm kar diya hai ki August 15 ko company Oppo F9 Pro ka global launch event host karegi jo ki Vietnam mein hoga aur iske theek baad 21st of August ko F9 Pro India mein launch kiya jayega. Is flagship smartphone ke highlights hai VOOC flash charge technology jo kewal 5 minutes ke charge mein hi aapko 2 hours tak ka talktime provide karti hai aur iska water resistant feature. Iske alawa F9 Pro aapko three colors mein milega – Sunrise Red, Twilight Blue and Starry Purple.

POCOPHONE teased in India

Xiaomi ke naye brand POCOPHONE ka teaser finally India mein bhi aa chuka hai. Xiaomi ke Product Manager, Jai Mani ne twitter par POCOPHONE ko lekar kuch post kiye hain, jinse ye to saaf hai ki ye smartphone jaldi hi India mein launch kiya jayega. Lekin ek aur baat jo saamne aa rahi hai, wo ye hai ki is smartphone ko company global market mein bhi “POCO by Xiaomi in India” ke taur par launch kar rahi hai. Is baat se ye expect kiya jaa raha hai ki Xiaomi bhi Oppo ke Realme brand ki tarah POCOPHONE ko India mein sub-brand ke taur par launch kar sakti hai.

Nokia 3.1, 2.1 and 5.1 Will Be Available In India Soon

HMD Global ne Nokia 5.1, 3.1 aur 2.1, May month mein India mein introduce kiye the, lekin aaj company ne announce kiya hai ki ye sabhi smartphones 12th of August se all over India mein offline retailers aur Nokia stores par available honge. In sabhi smartphones mein Android 8.1 Oreo OS hai aur in par Android Pie update bhi aapko zaroor milega. India mein Nokia 5.1 ki kimat 14,499 INR, Nokia 3.1 ka price 11,999 INR aur Nokia 2.1 ka price 6,999 INR hoga.

Fornite For Android

Aaj Galaxy Note 9 ke unpacked event mein Epic Games ke CEO ne ye bhi announce kiya hai ki popular game Fornite Android par, Samsung ke flagship smartphones ke liye hi available hai. Filhaal ke kuch dinon ke liye Fornite for Android kewal S7 / S7 Edge, S8 / S8+, S9 / S9+, Note 8, Note 9, Tab S3 aur Tab S4 devices ke liye available hoga, jise aap Galaxy Apps se download kar sakte hain. Is game ko Note 9 aur Galaxy Tab S4 par khelne ke liye company ne in two devices mein ‘Galaxy’ naam ki skin bhi di hai jo sirf isi game ke liye hai.

Facebook Comments

Recommended For You

About the Author: Pooja Choudhary

2 Comments

Leave a Reply

Your email address will not be published.

%d bloggers like this: