Tech News Of The Day – 21st August 2018

Realme 2 Launching In India

Kal teasers twitter par post karne ke baad , Realme ne aaj ye confirm kar diya hai ki Realme 2 India mein 28th August ko launch kiya jayega. Kala aye teasers mein is smartphone ke jo specs confirm ho chuke hain unmein notch display, dual rear cameras, rear mounted fingerprint scanner shaamil hain. Saath hi aaj company ne ye bhi confirm kiya hai ki iski battery 4230mAh ki hogi. Yaani ki is baar predecessor ke mukaable mein aapko Realme 2 mein kaafi kuch extra milne waala hai.

Oppo F9 aur F9 Pro

Oppo ne aaj Mumbai mein Oppo F9 aur F9 Pro launch kiye hain. Oppo F9 aur F9 Pro mein 6.3-inch ki FHD+ display, MediaTek Helio P60 chipset, 16+ 2 MP dual rear camera setup aur 3500mAh ki battery moujood hai. Lekin F9 mein aapko 4GB RAM milti hai, jabki F9 Pro mein aapko 6GB RAM di gayi hai. Saath hi F9 mein 16 MP front camera hai, F9 Pro mein 25 MP ka frontal sensor hai aur ismein aapko VOOC flash charge support bhi milta hai.

Oppo F9 ki kimat 19,990 INR hai aur F9 Pro ko aap 23,990 INR ke price par kharid sakte hain.

Nokia 6.1 Plus and 5.1 Plus

Nokia 6.1 Plus aur 5.1 Plus bhi aaj India mein launch kiye gaye hain. Ye dono hi Android One smartphones hain aur flipkart exclusive hain. Nokia 6.1 Plus ko 15,999 INR mein 31st August se kharida jaa sakta hai. Jabki Nokia 5.1 Plus ka price abhi announce nahin hua hai aur ye September se India mein available hoga. Nokia 6.1 Plus mein 5.8-inch ki FHD+ 19.5:9 display hai, Snapdragon 636 processor, 4GB RAM, 64GB storage, 16 + 5 MP dual rear cameras, 16 MP front camera aur 3060mAh ki battery hai.

Nokia 5.1 Plus mein 5.86-inch ki HD+ display hai, MediaTek Helio P60 processor, 3GB RAM, 32GB inbuilt memory, 13 + 5 MP dual rear cameras aur 8 MP frontal sensor hai.

Samsung Galaxy A8 Star

Samsung ne China mein Galaxy A9 Star naam ka smartphone kuch months pehle hi launch kiya tha, jise baad mein Philippines mein Galaxy A8 Star naam se launch kiya gaya aur ab isi naam ke saath ye smartphone jaldi hi India mein launch hone waala hai. Galaxy A8 Star ka teaser page Amazon par live ho chuka tha, jise ye saaf hai ki ye Amazon exclusive hoga aur jaldi hi India mein launch bhi hone wala hai. Lekin ab is page ko hata diya gaya hai. Saath hi Amazon par price bhi tease kiya gaya tha aur likha gaya hai ki iska price Rs. 3X,XXX hoga. Yaani ki Galaxy A8 star ki kimat 30,000 INR se upar hi hogi.

Itel A45, A22 and A22 Pro

Itel ke budget smartphone bhi aaj India mein launch kiye gaye, jo ki full vision displays ke saath aane waale hain. In smartphones mein A45, A22 aur A22 Pro shaamil hain jinki kimatein 5,999 INR, 5,499 INR aur 6,499 INR hai. Ye sabhi smartphones offline Indian market mein available hain aur saath hi in par aapko Reliance Jio ka 2,200 INR ka instant cashback bhi milta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: