TCS Bani India Ki Most Valuable IT Services Dene Wali Company, Jaapan Mein Bhi Jama Liye Hain Kadam

Switzerland ke Davos mein huyi Brand finance ki ek meeting ke duaraan saamne aayi ek report mein India ki 4 IT service providing companies ke naam shaamil huye hain. Iss list mein ek naam aisa bhi hai jo pehli baar include hua hai. Aapko bata dein iss list mein 3rd position paane wali company Tata Consultancy services (TCS) bani hai. Wahin Wipro ka naam iss list mein first time include kiya gaya hai. Iske alawa Infosys aur HCL bhi iss list mein include hain.

 

 

India mein Reliance ke baad agar koi company apni services ko bhada paayi hai to wah hai TCS. Iske alawa TCS Jaapan mein bhi apne kadam jaamane wali pehli Indian company ban gayi hai. Last year ke compare mein TCS ke valuation mein 23% ki growth record ki gayi hai. Jaapan mein TCS Artificial Intelligence aur Robotics field mein acha perform kar rahi hai, jo ki wahan iski growth ki ek wajah hai.

 

Iske alawa Wipro ke iss list mein shaamil hone ka kaaran bhi saamne aaya hai. Reports ka kehna hai ki company ki growth mein digital platform par investment ek bada reason bana hai. Wipro ka growth percent inn sabhi companies ke compare mein sabse jyada hai. Jiski wajah se company ki valuation 25% tak bhadi hai. Inn sabhi ke beech IBM company apni first position se ek step down second postion par aa gayi hai. Iss list mein first position par aane wali company Accenture bani hai.

 

Baat karein inn companies ke valuation ki to Accenture ki valuation USD 26.3 Billion batayi gayi hai. Wahin second position par aane wali company IBM ki valuation USD 20.4 Billion batayi gayi hai. Third position par aane wali TCS ki brand value USD 12.8 Billion saamne aayi hai. Aapko yeh jaan kar acha lagega ki TCS ne yeh position pehli baar nahi dusri baar gain ki hai. Last year bhi company ne iss list mein 3rd position paayi thi.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: