Tata Harrier Finally India Mein huyi Lunch, Saabit Ho Sakti Ek Damdaar SUV Car

Tata ki most awaited car Tata Harrier SUV finally Wednesday ko India mein launch kar di gayi hai. Features aur performance ki category mein yeh SUV car apne segment ki sabhi cars ko takkar de sakti hai. Iska bonus point hai iska price, jise jaan kar aap bhi ise khareedne ka man bana sakte hain. Look mein bhi yeh kisi premium car se kam nahi lagti hai.

Tata Harrier ko OMEGA platform par design kiya hai. Yeh platform Jaguar aur Land Rover ke dwara develop platform hai. Isi platform par Discovery ko bhi design kiya gaya hai. Aap yahan se andaza laga sakte hain ki yeh SUV car kesa performance dene wali hai. Tata Harrier SUV mein aapko 4 varient dekhne ko milenge jismein XE, XM, XT aur XZ variants shaamil hai.

 

Tata Harrier 3 driving modes ke saath aati hai jismein aapko eco, city aur sports modes milte hain. Isi ke sath ismein normal, rough, wet aur terrain response system bhi diya gaya hai. Braking system ke liye aapko ismein front mein disk brake aur rear side mein drum brake option milta hai.

 

Ab baat karte hain iske engine ki. Tata Harrier ko single engine option ke saath launch kiya gaya hai jahan aapko ismein 2.0 litre ka cryotech diesel engine milta hai . Yeh engine 4 cylinder motor 6 speed manual gearbox ke saath aata hai. Ji ha ismein automatic transmission system nahi diya gaya hai. Baat karein engine power ki to yeh engine 3750 rpm par 140 PS power aur 350 Nm ka torque generate karta hai.

Tata Harrier ek fully feature loaded SUV car hai jismein aapko kaafi bhadiya features aur functions dekhne ko milte hain. Ismein aapko day time running lights (DRL), height adjustable driver seat, HID Xenon head lamps, terrain drive mode, auto climate control, engine start-stop, follow me home projector head lamps, integrated turn indicator, rear parking sensor jaise features milte hain. Yeh features alag alag variants ke liye change ho sakte hain. Depend karta hai aap kis variant ko dekh rahe hain.

 

Interior ke maamle mein bhi yeh car full marks gain karti hai. Iss SUV mein aapko 8.8 inch ka touch screen infotainment system milta hai , jo Apple car play, Android auto, mirror link aur navigation support karta hai. Tata Harrier ke top variant mein aapko 9 speaker JBL audio system diya gaya hai.

Design aur looks ke alawa iss SUV mein kuch bhadiya safety features bhi diye gaye hain. Yeh SUV car 6 airbags, ISOFIX child seat, central locking, EBD, ABS, roll over mitigation, off road ABS, brake assist jaise kaafi loaded features ke saath aati hai. Tata Harrier 5 color variants mein launch ki gayi hai jismein aapko Ariel Silver, Thermisto Gold, Telesto Grey, Callisto Copper, Orcus White color milte hain.

Tata Harrier XE ki price Rs 12.69 Lakh, XM model ki price Rs. 13.75 Lakh, XT model ki price 14.95 Lakh aur top variant XZ ki price 16.25 Lakh rakhi gayi hai. Aapko baat dein ki yeh sabhi Ex-showroom price hain . Tata Harrier ko market mein pehle se available cars Hyundai Creta aur Nissan Kicks ka ek acha competitor bataya jaa raha hai. Company ki according iss car ki pre-booking already li jaa chuki thi jinka delivery time period already 3 months delay kar diya gaya hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: