Stylus Pen Ke Saath Hua Infinix Note 5 Stylus; Specs, Price Aur Availability

Hong-kong based smartphone manufacturer Infinix ne aaj Stylus ke saath apne first smartphone launch kiya hai. Ise aaj India mein Infinix Note 5 Stylus ke naam se launch kiya gaya hai. Red aur Blue colors mein Infinix Note 5 Stylus, desh bhar mein 4th of December, 2018 se available hoga.

Is smartphone ke naam se to aap itna jaan hi chuke honge, ki ye Pen ke saath aayega, jisse aap screenshots edit kar sakte hain, notes pen down kar sakte hain aur sketches / drawing bhi bana sakte hain.

Iske alawa is smartphone mein top aur bottom par slightly thicker bezels hain, 5.93 inch ki full HD+ display hai. Saath hi ye smartphone Octa Core MediaTek MT6763 Helio P23 16nm processor par chalta hai. Yahaan apko 4GB ki RAM aur 64GB ki inbuilt memory mil jaati hai, jise aap another 128GB tak expand kar sakte hain.

Infinix Note 5 Stylus mein 4000mAh ki battery, fast charging support ke saath moujood hai. Lekin camera section yahaan par shayad aapko impress na kar sake, kyunki ismein front aur rear panel par single camera hi diye gaye hain. Ismein 16 MP ka rear aur 16 MP ka hi front camera hai.

Lekin yahaan par aapko dual 4G VoLTE support bhi mil raha hai. Saath hi ye smartphone Android 8.1 Oreo OS par chalta hai.

Infinix Note 5 Stylus ki cost 15,999 INR hai aur ye ek Flipkart exclusive smartphone hai, jise aap 4th December se raat 12 baje se kharid sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: